經歷詳述:
Booking12點40分,約左清潔耳垢，問清楚姑娘收費，診証600，單一耳700，雙耳1200。應該共1800元
點知去到， 等左一個鐘，1點40分入去睇，同佢講因為覺得有耳垢塞住，聽野唔清楚，佢就用普通放大鏡睇，話我今日耳仔好乾淨，唔需要洗耳。 跟著話如果聽唔清，可以轉介到聽力中心做聽覺測試. 我話我覺得耳仔一濕水會好似有耳垢封住， 聽野好差，所以想清潔。佢問我而家有冇，我話而家冇，但洗完頭有。
跟住佢就用口在我耳邊講數字，問我聽得清唔清，我聽得到。佢話佢覺得我冇問題。就叫我走，睇下一個。
我覺得佢完全趕住食飯，如果咁趕，就唔好比姑娘book咁多booking,或者佢自己準時點返到診所。
我一心想搵耳專科清潔耳垢， 我唔相信我如果覺得我耳仔好乾淨，會主動走去搵醫生。我30幾歲，第一次搵醫生清潔耳垢，我唔信會好乾淨，佢起碼都用內窺鏡比我睇清楚。 咁趕時間唔好開門應診，超級不知所謂。
出到去問姑娘，我話booking 時問左想洗耳，但佢冇洗到，佢話醫生話你唔需要就唔需要，見左醫生就要收診證金600。
簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 本人絕對不會再作光顧