經歷詳述:
作為一位病人,每次踏進診所之前都會好希望今次係選擇正確,我睇岩左科,至少我唔係揀錯科拖延病症;而且可以遇到一位醫生佢可以理解到我個病或者佢曾經遇過我呢類病人,聽得明我既敍述,因為有時表達能力係有限公司?!……咁大家就可以一拍即合,省掉左好多時間、成本亦唔會浪費醫療資源。

同腸胃病有關既症狀,的確真係精神科好相似,自己親歷其境,病緊果陣真係焦慮,抑鬱,妄想,驚慌等全齊….同撞鬼無咩分別....好多時自己都係會懷疑自己,今日我到底自己既選擇係唔係正確?係唔係睇岩左?定係真係要行過隔離睇精神科?

今日疑團又解開左,因為突然無晒果D腸胃症狀同埋焦慮,抑鬱,妄想,驚慌;好似又打羸左今次場仗啦!唔洗再食粥啦!再一次多謝張醫生!!!!!亦多謝張醫生既醫療團隊,記得上次行入診所,坐滿病人,見到護士們好忙碌,同步要兼顧好多好多狀況亦忙中有序,配藥,解答病人問題,接待病人,幫病人安排入院所引伸既所有工作等等等等……


簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇