經歷詳述:
本人2021年6月開始喺呢度cool牙，入去同醫生面疹，佢問我點解要cool牙，我話想啲牙齊啲，佢然後叫我抹大個口，跟住就同我講到時會幫你剝四隻5號牙，跟住就叫我出去，叫姑娘同我講牙cool嘅價錢，因為我已經做咗好多research，所以我好快決定咗cool陶瓷牙箍，俾咗錢。呢個醫生完全唔會同人溝通，每個月去複診，基本上唔會有機會俾你問問題，你只係每次過去都係瞓低，佢幫你整啲咩你都唔會知。正常係我概念上，醫生幫你加啲咩或者整啲咩都會同你解釋一下，佢完全冇。去到今年2022年9月複診，佢話我下個月就可以拆cool，我完全冇諗過會咁快，因為我而家都覺得自己啲牙係齊左，但係個嘴仲係好凸，佢話我嘴凸呢啲天生嘅，冇㗎喇。我聽完崩潰。完全唔係我預期之中咁嘅效果。我而家啲牙其實都仲係有好多罅，經常攝嘢。佢話呢個已經係完成㗎啦。我其實真係好唔開心，當初鼓起好大勇氣去整牙，到頭來唔係自己預期之中嘅滿意效果，其實真係好失望。呢個醫生真係好冇醫德，1年3個月完成，我好無奈。仲有好多嘢想講，喺呢度完全講唔晒，希望如果你哋想去箍牙，千祈唔好揀呢個醫生。

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 本人絕對不會再作光顧