經歷詳述:
陪阿爸睇皮膚疾病，上網搵皮膚科醫生邊個好，都搵左幾個鐘，見到好多患者讚賞區德成醫生態度親切，同病人交流有禮，醫術又好，細心聆聽患者病情，所以就決定打電話預約，不過都要等差唔多二個月先有得睇，唔緊要，好的醫生係值得等，自己係搵到很好皮膚科醫生，因為我有睇開區樂民醫生書籍，亦而家先知道區樂民就係區德成醫生，所以感覺非常欣喜，期望他與書裡作者表裡如一。
其實搵醫生睇，我估好多病人都係想搵個態度親切既醫生，可以問下自己病情，有交流，唔係態度冰冷，想問多一句都唔敢。
到睇醫生當日，我同阿爸早左半個鐘到，等左一陣好快去見區醫生， 一入去期望區醫生會親切打招呼，但係完全係冇， 態度冷漠有點高傲問阿爸有咩幫到你， 果一刻感覺很納悶， 跟住我講番我阿爸病情，區醫生叫我阿爸徐衫同褲同徐鞋徐襪被佢檢查，我阿爸都有成八十幾歲，長者，行動一定比較慢，徐鞋徐襪果陣好慢，我望一望醫生，佢露出一個好唔耐煩既樣，我即刻過去幫我阿爸徐，喱一刻我都覺得喱個醫生連忍耐長者動作慢D都唔高興，何來態度友善， 而且檢查期間態度都唔係網上講好親切，我只係感覺冷傲， 不過最後診斷病況都專業既，解釋到病情。 最後我的結論係唔好因為睇左網上喱位醫生評論而覺得佢超級NICE而選擇喱位醫生，完全非你所想
簡評:
個人觀感- 普普通通、中規中距
經歷過程- 需要自己主動提出較多的諮詢
推介意見- 可能人夾人緣自己衡量