經歷詳述:
上星期食食下飯媽咪因為牙痛所以陪左佢去左屋企樓下既青衣城睇牙 其實之前媽咪係第二到都睇過牙既 有哂經驗 不過因為之前剝牙都搞左成個鐘又搞到成口血所以今次佢都有啲驚 果日下晝去到見到都好多病人等緊 我哋都等左成九個字先見到醫生 果日伍醫生係到 佢把聲聽落去都好後生 佢幫媽咪做左檢查之後話佢隻牙爆開左 得返半隻 而家其實已經留唔到 可能佢見我哋唔係好明佢仲特登係媽咪個口影咗啲相 指住幅相解釋俾我哋聽個情況 咁我哋雖然黎之前都有心理準備隻牙齒要剝 不過聽完始終都有啲驚 好彩醫生都慢慢同我哋傾左好耐 等媽咪無咁驚先開始 落完麻醉我見媽咪都無乜反應 不過跟住我哋就係出邊再等左成半個鐘 醫生先再叫我哋入去剝牙 剝牙過程都幾快 見醫生好似耍太極咁搖左一陣隻牙就慢慢鬆左出嚟 傷口都無乜流血等我同媽咪仲驚會好似上次咁成口血 估唔到原來咁簡單！跟住伍醫生仲再同我解釋咗一次傷口護理 叫我睇住媽咪 下星期再過嚟覆診見下佢🤣返到屋企麻醉過左媽咪話完全無痛 止痛藥都無食過 真係好多謝伍醫生
佢第二日仲有姑娘打過嚟關心下媽咪有無事 真係好好 唯獨是診所果到真係要等得比較耐 果日都好多病人 等到我哋都有啲攰 不過都值得嘅！

簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇