經歷詳述:
黎醫生和藹親切，醫術高明和醫德俱備，再配合先進嘅醫療設備檢查，病人有事就可以盡早發現，盡早醫治。檢查冇事嘅就更加放心安心。
黎醫生之前喺伊利沙伯醫院耳鼻喉科係出名做手術好叻嘅顧問醫生，處處為病人健康着想。叻和有醫德嘅醫生唔會為咗做手術而妄顧病人嘅性命安危。
除咗我之外，仲有其他親戚朋友，都係睇完黎醫生之後，避過咗其他醫生話要做手術嘅風險，依家各人安然無恙。
時間就係最好嘅證明，十年前有兩個喉有息肉嘅朋友，其中一個公立醫院打電話叫她第二日立即入院做手術，她好擔心立即去揾黎醫生，黎醫生檢查後解釋唔好做手術嘅原因，喉部經過放射治療後已經纖維化咗，做手術嘅傷口會好難埋口，而且食緊薄血藥必須要停七日藥先可以做手術，仲安慰病人唔洗擔心，做手術前會先見麻醉科醫生，知道妳仲未停食薄血藥。喉息肉只係需要觀察留意就可以。這二個喉有息肉嘅朋友，經過兩至三年嘅時間，一個喉息肉逐漸收細，一個喉息肉已經完全消失。
另外耳膜穿咗有買醫療保險嘅朋友，一心想揾做黎醫生做補耳膜手術，黎醫生檢查後，耳膜冇穿完整無缺，只係耳道發炎，喺耳道放咗有藥嘅紗布條敷耳一個星期就好番哂！
佢哋個個都話從來未見過咁好人又有耐性又有醫德嘅好醫生。

簡評:
個人觀感- 醫術精湛、鉅細無遺
經歷過程- 醫護人員親切有禮的提供協助
推介意見- 已視為本人的必然選擇