經歷詳述:
2020年9月開始箍牙，一開頭入到去問價照片唔做已經話要收番你3000咁舊同事介紹我就冇諗咁多，同埋都打算箍就做啦，我有兩隻智慧齒要開刀剝佢建議我去專科咁果度都洗左一萬，之後話我有隻蛀牙要補，入去之前同我講折後600，整完出黎就收我800，佢解釋係因為我蛀深左，但男醫生幫我整緊果陣完全冇講，我覺得比人呃左，不過200就算。途中我上面粒智慧齒因為個箍既關係整到發炎，果時問佢診所想睇下我發炎既問題同洗唔洗磨埋之後既箍，診所話要收番診金，乜箍牙唔係包整箍既咩，仲要係你地既箍搞到我發炎…我嬲得滞去左睇另一間醫生，佢幫我磨走左個箍，唔需要食藥就好番。而家差唔多箍完，下面牙條中線都係唔對，個口好似歪左咁，女仔對自己外表都好注重，如果唔係就唔洗箍牙啦…呢間野真係唔掂，建議各位慎重考慮，價錢我覺得都貴，有打死狗講價既感覺，我都鬧左我舊同事😂😂

簡評:
個人觀感- 診效不顯、收費不稱
經歷過程- 診証時間極其急趕，快來快去
推介意見- 本人絕對不會再作光顧