專科分類目錄

歐陽國樑醫生答問

歐陽國樑醫生(男)
Dr. Au Yeung Kwok Leung
精神科
值得推介 : 102

會員#16607 annlee
血清素加利痛仰
病患者女 - 50歲

最近本人食了早上一粒血清素（fluoxtetine20mg）改善咗耳暈、周身病痛,及耳暈藥(merision6mg)每日兩次！
但最近周身病痛多咗，以為少咗醫生開了一隻利痛仰(lyrics 75mg) 晚上一次本人想諮詢這樣食咁多精神藥物是否病情嚴重咗利痛仰是否長期要食的藥多謝醫生分析
歐陽國樑醫生回覆
annlee 你好

fluoxetine 20mg 只是一個基本劑量，可減少情緒問題如抑鬱焦慮，效果要數個星期才會明顯，而且還有很大的空間可增加，常見的副作用是反胃或胃口增加
lyrica 75mg 可用作安睡鎮靜，也有少許止痛作用，劑量其實不算太高
兩種藥也不會產生依賴性
如現在效果已可，又沒有副作用，可先用一段時間，穩定後才研究先減那一種
但如果反應不佳，又或有副作用，可考慮增大或轉更好的血清素及鎮靜藥

歐陽國樑醫生

會員#20418 Richie Lau
關於焦慮症
以下情況是我女朋友發生的,不是我本人:

病患者女 - 35歲

自從我4月份辭了兼職花店助理後,身心出現了很大狀況:

首先是5月時忽然出現panic attacks,而且對任何事都好焦慮,特別是每天朝早醒來都有小小緊張焦慮感覺出手汗,
而且都使我身體都出現問題,包括:
1:感覺到喉龍至胸口有野壓住和崩緊,而且有少許痛;並且想嘔又嘔吾出(之前check過甲狀線但又正常)
2:睇野好刺眼
3:容易疲勞,但訓得吾好
4:對好少事變得好敏感(例如輕輕掂個身就覺得好痛)
5:周身酸痛和緊.

現在的情況是焦慮相比之前是好轉了,情緒都相比之前沒有很大起伏和強烈的負面思想,
不過有時候情緖忽然會很焦慮和低落,特別在早上和在家中的時候會特別明顯,
岩岩睇完私家醫生,醫生話我可能糸甲狀線分泌過剩,並開左以下藥物:
Synium 5mg
Lexapro 10m g
Xanax 0.25mg
Famine 20mg
Propranolol 10mg

但我有d擔心既糸私家醫生話要keep住睇至少半年,至少食半年藥咁樣.
但吾想食咁耐藥,想幾個月內可以幫助到自己,
所以我想問如果我e家既情況轉睇精神科會比較好?
同埋糸咪一定要食咁多藥?
另外,系咪可以根據個治療期慢慢減藥,從而吾洗食咁多藥?

謝謝!
歐陽國樑醫生回覆
Richie Lau 你好，

身體不適可以是 1 身體問題 2 情緒引致 3 治療或藥物副作用
甲狀線問題是其中1 身體問題引發出來的可能
而醫生開這些藥給她便是當 2 情緒引致
焦慮症或驚恐症不是一些嚴重精神問題，lexapro 是要幾星期才會有效果，通常為了避免最初不適應反應我們會由5mg 開始，其他的應只是短期使用以先穩定情況，最初時會使用少許輔助藥物也是常見。
要短時間内好轉及能最後斷尾，最重要是能完全控制情緒引致的身體症狀，不是只是減少，所以劑量使用適當最重要，太多會有副作用，太少便不能控制好而浪費時間減少信心。
精神科藥物由精神科去使用當然效果更好，我們對藥物的使用會更有技考，等如你不會放心家人找普通科去通波仔一樣。

歐陽國樑醫生

會員#20340 Dada
頭暈頭赤痛
病患者男 - 30歲

由三月尾開始頭暈胸口悶食慾不振靈魂出走、多胃氣間中心悸
四月入左私家check 照腸胃鏡、心電圖、運動心電圖、24小時心電圖、斜床測試、抽血...
確診幽門螺旋桿菌胃炎同膽固醇高
到6、7月都係會有想暈...既感覺之後再去做幽門螺旋桿菌吹氣測試殺曬
其間睇過另外胃專科醫生
到8月到好似個種暈又胃部個位上左心個位，仲要心悸都幾密
之後搵個心臟科醫生建議我照心臟電腦掃描結果心臟有條血管窄塞左一半（膽固醇）但醫生話唔會影響頭暈
建議我食膽固醇藥同呀司匹靈
到最近連公立街症同我抽血都係驗到膽固醇高要開始食藥
但食左個幾星期唔見得好轉
反而呢四五日個狀態好差
個腦好緊好似塞左咁行出街都驚暈咁個年又攰又無力
呢半年都係keep 住暈同不適既狀態，會好返少少跟住又轉差甚至更差同個感覺同之前有些少唔同...
呢半年胃科、心臟科都睇過各兩個中醫又試過
小弟都唔知從咩方向去睇
歐陽國樑醫生回覆
Dada 你好，

身體不適可以是 1 身體問題 2 情緒引致 3 治療或藥物副作用
現在身體確是找出了一些問題，也需要一些治療，但醫生也解釋這些身體狀況不是你頭暈的原因，而當然不會有明顯效果。
身體問體很多時會產生很多情緒壓力，而這些情緒壓力也有機會帶來一些2情緒引發的身體不適。
有時甚至是跟本來自情緒，只不過做檢查時找了一些其他的身體問題。
當1找不到原因2醫不好3自我感到有明顯情緒問題，便應找精神科醫生研究一下，不一停是情緒病程度，也一定是要食藥，找一個新角度了解一下總好過原地打圈。

歐陽國樑醫生

會員# Shirley
paroxetine引起脫髮及嗜睡
病患者女 - 29歲

數月前去政府精神科求診，本來是睇注意力不集中問題，但最終醫生開咗paroxetine，但隻藥食完勁眼訓，食咗不停釣魚，所以一至五日頭唔敢食，淨系夜晚食半粒，唔返工既日子會照常早晚食半粒，請問咁食會唔會有問題?

另外我食咗個半月之後開始有髮線上移情況，因為我本來就有M額問題，只系靠瀏海勉強遮住，再上移就遮唔到了QQ
因為而家返新工，未過probation唔方便覆診，所以轉唔到藥，請問有無解決辦法?
歐陽國樑醫生回覆
Shirley 你好，

藥物使用不外乎要 1有效果 2 沒副作用 3 不上癮
如專注力不足來自ADHD，paroxetine 不會有效，但如來自情緒問題便可以，當然要使用正確才會有效果。
HA現在因藥費問題對ADHD治療興趣還是不大，有可能不會主動開藥物，只治療相關的情緒問題。

眼瞓副作用似乎不會對你原先專注力問題會有好處
髮線上移可以來自 1 身體問題 2 情緒引致 3 藥物副作用
其實由醫生跟你去研究會好一些，醫院確是不用增加你的經濟負擔，找私家醫生給意見便可以補不足。

歐陽國樑醫生

會員#19731 Cheung Yee Ling
最近成日忘記野
病患者女 - 16歲

尼1-2個月記性差咗好多，例如：我唔記得咗冲涼有冇搽沐浴露、經常上堂唔記得帶野、試過明明同媽媽講過話冲涼，仲拎埋野，但係過咗一陣完全唔記得咗等等。到底咩事？
歐陽國樑醫生回覆
Cheung Yee Ling 你好，

記憶力牽涉腦部很多不同的功能位置，很容易便會受到影響，只要有一點輕微精神腦部問題便以經可以變差。
16歲當然不應是腦退化，而最近一兩個月也不應是天生的ADHD，這類型的以壓力情緒問題影響機會最大。
當然如果情緒問題只是輕微，不會說成是情緒病，也不一定要服藥或接受治療，但情況明顯的話當以找專業人仕評估一下為安全，不用影響學業生活。

歐陽國樑醫生

醫務信箱
致歐陽國樑醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

歐陽國樑醫生答問

醫務信箱