註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
因大牙出現裂痕需要拔掉植牙，當天拔掉大牙過程非常順利快速，之後三個月才可以安排植牙。
本人是很怕睇牙醫的，因之前都睇過幾個唔同的醫生，很緊張害怕，都有一些不好和不愉快的經歷，但是陳醫生非常親切，講解清楚明白，拔牙過程快速，令我減低了拔牙的緊張和痛苦，非常感謝。
簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇

經歷詳述:
2003已有牙周病，當年已脫落幾隻大牙，門牙也開始鬆脫，所以做了牙橋，前前後後都睇過不同醫生，都只係叫我洗牙。

直到呢幾年都keep住睇開同一個醫生！同佢講我有牙周病，佢只係叫我洗牙，刷牙，用牙綫，2018年又有兩隻牙鬆脫，先脫咗一隻，另一隻就比我食嘢時咬斷，佢幇我脫咗隻牙，但牙腳話要開刀，收$3200，要2小時手術，我唔做，跟住呢幾年都keep住比佢洗牙，但我啲牙經常有牙瘡和流牙血，佢話由得去流！話一年洗一次牙就ok。舊年發現我牙橋啲牙齦開始萎縮和鬆，問佢，佢話你好多牙都鬆啦！keep 住洗牙就得！

直到農曆新年，我係綱上無意之中揾到陳醫生，見到好多好評！當時陳醫生放緊假，我試下whatsapp陳醫生，將我情況講比佢聽，佢立刻回覆我，仲安排護士同我預約！當日上到去，做了個3D X-ray，陳醫生一睇就話我牙周病嚴重，建議我做牙周病療程！要脫啲鬆牙，之後可以做返活動假牙！陳醫生當日幇我脫咗我牙橋嗰兩隻牙，跟手脫埋我斷剩的牙腳，全部都唔駛1分鐘，我全完無感覺已脫完，我心諗，好彩我無比我之前嗰醫生脫嗰隻斷牙腳，佢要收$3200，仲要2小時，但陳醫生1分鐘攪掂。

真心多謝陳醫生，也多謝上天比我係綱上揾到陳醫生，如果唔係，我繼續睇返我之前個醫生，我可能啲牙會無曬！

簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
我終於完成我的隱適美治療啦！！忍唔住再上來多謝陳醫生，因為好開心！
多謝荃灣牙科醫生陳澔賢醫生！ 我本身係前開咬合，前面門牙上下完全掂唔到，從來都無辦法用門牙吃公仔麵，笑起身好核突！......睇過好幾個牙科醫生都話用鋼線打骨釘，但我好怕好多野係個口入面。純粹巧合去到陳醫生診所。佢雖然都有比我選擇鋼線打骨釘，但佢反而推薦用隱適美 透明牙箍。 開頭我都以為一定係鋼線比較好，但原來特別 前開咬合 反而透明牙箍好過鋼線。陳醫生話因為日日咬住個透明箍，會壓左D大牙牙入去，門牙就慢慢咬得貼，好多時候唔洗骨釘都可以！ 同埋如果鋼線扯d門牙落來反而容易反彈！ 我好比心機咁帶牙箍，陳醫生兩年都不斷威逼利誘我XD 佢唔係果d比曬d箍你就算，真係好認真幫我設計個動畫，帶牙箍得好會讚，唔聽話會話下你。

有事係可以隨時wtsapp搵到佢本尊。外面一定搵唔到。 陳澔賢醫生完全唔似d forum 牙醫淨係派cool 就算～ 雖然貴d但係值得既，因為佢真係浪費心機時間同你做。睇返D 相變化好大！

如果唔係陳醫生堅持同鼓勵，中途會猶豫；所以醫生好緊要！ 好開心終於箍完！多謝醫生

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

經歷詳述:
去左旺角洗牙發現有牙瘡! 杜牙根專科醫生嘗試過都話杜吾到，轉介我去第二個醫生到準備做植牙！
自己上網搜尋好多牙醫，發現陳醫生好出名　植牙．
結果陳澔賢醫生嘗試幫我清條牙根，用埋顯微鏡，結果三條牙根全部搵到，杜清埋！醫生手勢一流！
無系甘叫我植牙，反而幫我嘗試多次杜牙根！
如果去第二度，甚至返大陸的話，肯定健康的牙齒都保留唔到！系到要分享陳醫生可以植牙杜牙根都做到，設備齊全！

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

經歷詳述:
我雖然70歲但對於睇牙醫都非常害怕。睇開的牙醫已退休。
在網上看到陳醫生的好評後抱著胆戰心驚的心情去試試。照完X光陳醫生詳細解釋我的情况後，我便决定植牙。
我很怕痛每次開始時我都告訴医生我很驚，陳醫生告訴我不會痛。
現已植了三隻牙，除了打麻醉針時最痛，好感恩其他過程都唔痛。
陳医生很細心，手勢很精準純屬。完成植牙兩天後便很適應，唔該晒陳醫生。

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

註冊專科分類

睇醫生網 Seedoctor