註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
原先喺屋企附近牙醫洗牙，然後牙醫話我蛀牙蛀到要杜牙根。但係我隻牙無窿無痛，食嘢飲水食雪糕都無問題，照X光都唔覺睇到有牙窿，點解會嚴重到要杜牙根，於是睇左本網評譽，決定找陳醫生再檢證一下。
陳醫生用部360度X光機幫我檢查，在鳥瞰嗰張片一睇，原來個窿喺牙縫裡，體積大到嚇死我。陳醫生講解得好清楚，一定要杜牙根，補牙係只會令問題拖延同惡化，於是我就立刻做。
我本人好怕痛同車牙嗰種痺痛感覺，陳醫生話放心，一啲都唔會痛。我心諗個個醫生都係咁安慰病人架啦﹗但直到現在我已經完成三次療程，最痛的都係打麻醉針嗰一刻，其他時間真係感恩，唔痛﹗而且陳醫生好快手，好快就已經做好治療。之前成日聽人講杜牙根要個幾兩個鐘，佢諗佢每次大概半個鐘就攪掂左。
當然我唔想再有爛牙，不過日後真係有啲乜嘢牙齒問題，都一定會揾陳醫生，亦已經將佢推薦俾我啲朋友，因為大家睇牙都驚痛﹗再次感謝陳醫生的治療。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
舊的牙醫退休後，需另覓新牙醫做植牙手術。上網找尋到陳澔賢醫生，陳醫生很好，植牙手術意見簡而清，手術程序分三次共三個月(2023 - 3月 - 6月)。其間陳醫生也通過whatsapp 與我跟進，精準地解答了我復元過程的小問題，除去了我的疑慮。診所護士對病人態度也專業。我非常滿意。

簡評:
個人觀感- 判症快捷、合情合理
經歷過程- 醫生會清晰明確的講解其病情
推介意見- 值得向有需要人仕推介

經歷詳述:
真係唔好番大陸睇牙！！ 開關之後第一件事，我跟親戚朋友返大陸睇牙醫，因為之前覺得香港好貴；
我本身右上第一臼齒蛀牙要脫，大陸愛X健牙醫睇完，另外話我上顎隻智慧齒壓住我第二大臼齒，都要處理
建議我三隻大牙都脫曬佢，做植牙 或者 最好就係箍牙。
當下已經覺得死啦 咁多隻牙要脫，自己又無咩專業知識。
上網見到陳醫生，wtsapp張x光片俾佢睇，本身無抱特別希望。
點知陳醫生突破盲腸，話其實智慧機壓住隻牙，只要無痛無剩，其實唔洗處理。 就算你肯脫，點解唔等到有事先脫？淨係鑲番隻大牙就可以。
去到比陳醫生植牙，雖然比大陸貴。但係手勢好，過程無痛。 真金白銀買專業意見。
大陸牙醫平幫你做幾隻，剝左D好牙！仲貴過香港好好地幫你做一隻




簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

經歷詳述:
牙周問題缺了隻門牙，其他牙醫只說補骨粉再植牙，試下唔知得唔得架，所以睇多位牙醫意見再諗。

上網找尋到陳醫生，見到d post講解牙科資料詳盡專業，就試試。
環境乾淨，等候區闊落，人多等候都有位坐。
照了360度x-ray，陳醫生詳細解說，以我情況根本用唔到植牙，直接用馬里蘭牙橋更適合。
心想終於遇到位真正解決問題嘅醫生，唔會像其他醫生只為錢看得唔得都叫你植牙先。
牙橋好快返到，併上後陳醫生二話不說就話有輕微色差，要幫你退返工場重造，可見係一位細心醫生，做事嚴謹。裝上後相對與真牙無疑，好彩遇到位有heart嘅牙醫，著重病人所需。
還收到陳醫生whatapps跟進情況，醫生咁忙都親自向病人跟進，真係難得。

另外，洗牙位護士手勢好好，一d血都冇流過，唔痛仲洗得好乾淨。

簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇

經歷詳述:
因為要治療牙周病上網Google了一下，無意中發現了陳醫生。先WhatsApp陳醫生討論我情況，陳醫生覆得好快（我未見過醫生會親自覆病人msg😅)溝通好後便採取試一下既心態。去到陳醫生診所，陳醫生佢好耐心解釋我情況同耐心咁解答我問題。治療當日決定拔埋智齒，陳醫生手勢好好，仲安慰我叫我唔好驚，過程係完全唔痛。
術後2日陳醫生仲親自WhatsApp 問候我傷口情況😊另外陳醫生診所姑娘都好有禮貌，好好人，會好清楚咁解釋治療後要留意既事項，推薦！

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

註冊專科分類

睇醫生網 Seedoctor