經歷詳述:
原先喺屋企附近牙醫洗牙，然後牙醫話我蛀牙蛀到要杜牙根。但係我隻牙無窿無痛，食嘢飲水食雪糕都無問題，照X光都唔覺睇到有牙窿，點解會嚴重到要杜牙根，於是睇左本網評譽，決定找陳醫生再檢證一下。
陳醫生用部360度X光機幫我檢查，在鳥瞰嗰張片一睇，原來個窿喺牙縫裡，體積大到嚇死我。陳醫生講解得好清楚，一定要杜牙根，補牙係只會令問題拖延同惡化，於是我就立刻做。
我本人好怕痛同車牙嗰種痺痛感覺，陳醫生話放心，一啲都唔會痛。我心諗個個醫生都係咁安慰病人架啦﹗但直到現在我已經完成三次療程，最痛的都係打麻醉針嗰一刻，其他時間真係感恩，唔痛﹗而且陳醫生好快手，好快就已經做好治療。之前成日聽人講杜牙根要個幾兩個鐘，佢諗佢每次大概半個鐘就攪掂左。
當然我唔想再有爛牙，不過日後真係有啲乜嘢牙齒問題，都一定會揾陳醫生，亦已經將佢推薦俾我啲朋友，因為大家睇牙都驚痛﹗再次感謝陳醫生的治療。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介