註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
自去年12月經朋友介紹向馬國權醫生求醫，初次踏足診所有非一般感覺，本應心情緊張的我，聽到在場播放輕音樂，緊張的心情自然放鬆，環看四周一枱一椅，充電設備及其他設施，感受到馬醫生花了不少心思，為客人提供一個寬敞舒適環境等候診症，可見他對客人照顧周到，體貼入微，令人窩心。

姑娘親切友善，馬醫生平易近人，沒有想像中那般嚴肅，還帶點風趣幽默，每次向他發問，總會耐心聆聽，細心解答。

進入診症室馬醫生幫我詳細檢查及睇完所有報告結果，確診患上乳癌要做手術，此刻就像當頭捧喝，腦海一片空白，同時馬醫生也給我選擇治療方案，由於驚惶失措，不知如何是好？馬醫生有見及此提出致電與家人詳述，由此觀之，他那份愛心足以令我放心給他醫治。

今年1月初馬醫生幫我順利完成手術，至今化療亦都完結，正在康復中，馬醫生對我關懷和愛護，內心充滿感謝。

由於在威爾斯醫院接受化療，之前要給醫生檢查傷口，那位醫生還稱讚馬醫生手術做得好，傷口做得靚，她與馬醫生互不相識，只不過以往較多病人由他轉介而有所認識，毋庸置疑馬醫生確是一位仁心妙術的好醫生，得到他為我醫治，真是我的幸運。感激萬分！

因為馬醫生有顆熱心，愛心，同理心，過去的日子默默耕耘，為我們付出許多時間和努力去製作Breast HK網站，提供好多詳盡實用資訊，使我們獲益良多，深深感受到馬醫生用「愛」治療「乳」病患者重燃希望，在此要向馬醫生致敬。
簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 值得向有需要人仕推介

經歷詳述:
馬國權醫生真的是一位仁心仁術的好醫生。
在手術前，佢會好詳細檢查同解釋手術過程，亦都好尊重病人意見
最欣賞係佢會站在女性角度幫我諗傷口開係邊個位。雖然我講左唔太介意疤痕位置，但講真，女仔邊可能完全唔介意。馬醫生好細心，盡量幫我將疤痕開在唔顯眼位置，而且手勢好好，疤痕好細條，唔多覺眼
以馬醫生嘅專業，佢嘅收費十分合理。診所環境舒服乾淨，姑娘都好有善親切
等待時間可能會有點長，因為好多人睇馬醫生，但絕對值得等待。
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 不可多得，值得等待

經歷詳述:
於St. Teresa 做年度身體檢查，也是第一次做Mammogram。 (之前只是做超聲波), 報告發現有可疑鈣化點。
那便拿醫生信去東區醫院排期。三月中見醫生，四月初抽粗針。一星期內便致電給我，當然心知不妙⋯⋯

東區外科醫生確診我為乳癌原位癌，約1.2cm. 還著我不用擔心，但建議我全乳切除，因認為我胸部小，那不如全切，像是好簡單似的！真是晴天霹靂、不能接受………
像世界末日一樣，生cancer 喎：又怕死、又怕辛苦、又怕痛、又怕醜………

定神後，拿拿淋seek second opinion （私人醫生）。
護士朋友介紹下，便找馬國權醫生。

好記得首次跟丈夫一起見他。以為一定要全乳切除………
馬醫生非常詳盡解釋我的情況，原來我是有得選擇的！當日他給我三個options ,也詳細分析各有的利弊，好清晰及專業。

咁找得私人醫生，當然不選擇全切啦！跟丈夫商議後敲定＂局部切除＂, 由於我1.2cm 病灶有點接近nipple ，事實上也有點風險，所以我長氣到爆炸咁問完又問，馬醫生又好有心機咁慢慢解釋，令我及丈夫都感到非常安心。並著我們好好考慮清楚。

隔天我諗住電話confirm 手術，姑娘話要見多次醫生。原來馬醫生會再一次見我再解釋（幾有醫德）。那天他更遷就我8:45 約見我，那就fingers crossed 及簽文件了。

現在手術後一個月啦！
馬醫生不愧為乳線外科專科，手術時已經發現病灶不只1.2cm. 在超聲波及冰凍切片檢驗後，他專業的切清其它一切Tumor. 而且成功保留nipple(我最擔心不能保留，因我胸部是納米size, 全切加無乳暈就更醜了，也是馬醫生稱為無焦點）。他真明白女人的心態！

感恩手術當天下午已經精精靈靈，食得、笑得。第二天中午前已經可以出院回家喔！而且傷口癒合也非常快及好。第三天也差不多不用吃止痛藥，真厲害。

雖然患癌好不幸、悲傷，但遇到好醫生也是我的幸運。
過程感到馬醫生有技術、有醫德，明瞭病人/女性感受。他真是我的救命恩人。

至於其診所環境非常舒適，設備又充足專業，而且位置便捷 (手術後馬醫生會於其旺角雅蘭中心診所給我洗傷口）。洗傷口後仲可以有行街shopping的後續，也真不錯。

p.s. 決定找馬國權醫生，除了有護士朋友介紹，當然還有看過他的Breast HK 網頁，即使未見其真身，經已感到他的熱誠及同理心。親身見過其真人，與及接受他醫治，相信除了治癒病外，也能治癒病人的心靈，為病人帶來安心及寛慰。







簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
1) 自4月確診乳癌, 我都睇咗好多政府同私家專科醫生, 但都仍然好迷惘! 之後, 我有個護士朋友介紹我去睇馬醫生, 因為佢話見過好多個由呢個醫生開刀既病人, D傷口又細又靚, 而且係咁讚佢好nice又得病人愛戴, 我抱住信朋友既心態去睇睇!

2) 於是5月頭上到診所, 環境好舒服, 姑娘好有禮貌, 馬醫生態度親切熱誠, 仲好有耐性咁慢慢講解清楚我病情及提供可行方案, 原本政府醫生話我右胸有4粒咁多,好難搞,要我全乳切除( 其實只有1粒8mm惡性, 另外3粒4一7mm係良性)及重建( 要做8小時手術, 胸部同肚皮切兩個大傷口) 咁恐怖我聽到都驚啦，但馬醫生好厲害, 技術超卓精細, 󰀃能夠做到局部切除( 清除所有腫瘤之餘又可以保留乳房, 不用重建, 減少傷口, 當然個胸size就細咗小小, 但總好過重建要左切右切),

3) 所以, 我5月中得佢幫我在浸會做局部切除手術 , 佢手勢真係一流, 手術後無乜痛過, 只係第一日有小小蟻咬感覺, 之後, 我直頭忘記有傷口, 朋友都奇怪我咁靈活同精神, 而且疤痕又幼細又靚(喺乳暈邊開刀, 真係美觀好多)

3) 手術後每次佢都好有心機親自幫我洗傷口, 無微不至, 仲有兩位診所姑娘好親切又nice, 經常和我輕鬆談笑又關懷鼓勵我, 舒緩我病患中既焦慮情緒, 每次返到診所, 都充滿歡樂同正能量, 又如家人般的親切溫暖, 感謝天父比我一個咁正咁好既醫治團隊, 關顧我身心需要!

4) 後来我先知原來馬醫生份人仲係好有熱心同愛心, 多年前開始獨自用工餘時間默默地一點一滴用心良苦地制作一個網站(BreastHK)用輕鬆手法提供好多詳盡實用資料幫助迷惘痛苦中既病患者, 我從中都被吸引同感動! 雖然患癌係我人生中一件苦難, 但我有幸遇到一個真誠愛護病人如自己家人朋友既醫生, 真係好有福氣! 我真實感受到馬醫生喺佢網站( BreastHK) 所講" 愛. 乳. 希望" , 用"愛" 治療 " 乳" 病患者, 令她們重拾" 希望" , 診所更成為一個大家同路人打氣聚脚既家!
簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇

經歷詳述:
本人已睇過其他私家及政府醫生，為了在政府醫生做手術前，尋求多一位私家醫生意見，在youtube 看到馬醫生的資訊， 決定打去診所查問， 由於當時仍待政府抽針報告結果，姑娘很好，在電話上幫我即時查醫健通，但報告仍未出， 她叫我過多兩日打嚟查問， 當時問姑娘醫生會唔會沒有期給我， 姑娘話因為我係urgent case, 會即日安排見醫生，所以我過了兩天再打去診所， 她已即時安排晚上8：00pm 見醫生！
從未見過一間診所可以這樣安排， 醫生無施地 犧牲私人時間都幫我睇到很夜！
見了馬醫生 ，他給我很專業的意見 ，他說我只需要切除右胸乳房，左胸密切檢查便可！
他明白我在這幾個月來，反覆睇醫生，做抽針，已心力交瘁，他從女性角度叫我考慮清楚，不用兩邊乳房全切除， 擔心我一時意氣， 怕我手術後有抑鬱，很會為我著想！
手術前一晚， 醫生來病房看多一次， 跟我畫腫瘤位置及跟我說由於右胸腫瘤在胸口較高位置，問我左邊想做對稱還是有沒有其他意見， 我跟他說，你幫我安排吧， 因已沒有主意了！
手術後， 醫生當日都有來到病房探訪兩次， 深深感受醫生對我的關懷， 翌日醫生來看傷口一次及問我想唔想拆紗布， 我跟醫生說不要拆，紗布包著我的身體，令我覺得我仍有對乳房，拆後會令我沒有安全感， 醫生最後聽從我的說話，延遲一晚才幫我拆， 之後問我想唔想接觸一下自己個胸口， 跟著捉住我的手放在胸口上每處皮膚/傷口位置讓我感受一下身體狀況！
手術完成直到我出院期間，我一直都不想面對我的疤痕，但出院那天， 醫生說我可以冲凉，我返到屋企第二天才正正式式看我的傷口， 戰戰兢兢下， 我偷看到那個疤痕很幼細， 只見到一行線，完全不是我想像的， 馬醫生手術非常精湛，他真是一位很出色的醫生！

好希望有需要的人，搵到一個出色，有仁心仁術的醫生！😊

簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇

註冊專科分類

睇醫生網 Seedoctor