註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
我是朋友介紹今天第一次見玉醫生
做婦科檢查，第一次做婦科檢查十分緊張， 醫生幫我做了柏氏抹片和驗HPV DNA 還有照了子宮和卵巢
，做抹片時醫生知我驚同緊張說用最細鉗幫我做抹片，過程完全唔痛，然後照超聲波，發現我子宮裡有息肉在子宮腔入面，玉醫生同我解釋得好清楚，為什麼會生長息肉，同埋影響之後經期和打算生育的風險，我覺得整個診症都非常舒服，很細心，也沒有逼我馬上做手術，叫我可以今次來完經期在回來復照多一次，是否息肉還在在決定做手術還沒遲，而且姑娘也會好好態度，幫我預約下次覆診，整體婦科檢查都是舒服沒壓力

這是我個人的感觀 要親身經驗才會感受到醫生的專業

簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 已視為本人的必然選擇

經歷詳述:
經過朋友介紹睇玉醫生
本身第一次做婦科檢查，非常緊張。
加上也會有經痛問題，也和醫生說明這個問題。
玉醫生首先會建議我地女士做返一個基本婦科檢查，就是柏氏抹片和照子宮及卵巢，當時非常緊張，姑娘會帶領我入檢查房間，也會叫我放鬆心情，不會讓人感到不適，過程檢查完，發現是我的經痛問題，醫生也會建議我考慮服用西藥避孕藥的處方可以減低我的經痛問題，也會叫如果選擇中藥求醫，就叫我二選一 中醫or西醫 處理我的經痛問題，還提醒我1年需要定期婦科檢查，並叮囑我40歲打後，需要檢查埋乳房，也是婦科疾病需要預防之一，醫生很細心，姑娘也非常態度好，值得推介來看婦科玉醫生 不過這個也是我自己本人親切感受和經歷 因為畢竟我很害怕做婦科檢查 >_< 所以今次是一個非常好的體驗！

簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 應已足夠為你控制病情

經歷詳述:
"因部分內容涉及誹謗、人身攻擊之字眼"
**相關報告暫緩顯示

經歷詳述:
連續三個月非經期陰道出血，本身已經好驚好擔心。
佢係我份保險網絡醫生，三年前睇過佢都好地地，所以先搵返佢，不過好失望。嗰陣佢仲一間醫療中心入面做，而家自己開診所完全冇晒醫德。一入到診所已經feel到d姑娘態度麻麻，坐喺度等候見到每個病人見醫生時間好短。keep 住5-10分鐘入⼀個。入到醫生房就覺得醫生姑娘都好似好趕時間。個醫生係咁冷笑，解釋病情好似急口令咁，講得好快，又唔清楚。想追問清楚，又好冷淡好唔情願答你，又悔氣又冇耐性，皺晒眉頭好炆憎。完全唔係專業態度。目中無人。人哋要做手術已經好唔開心好緊張，又唔俾問多兩句。俾個價目表我，叫我出面考慮吓。
考慮完想Book期入院，然後俾張醫療咭姑娘，姑娘話你而家先攞出嚟，姑娘攞入去俾醫生睇完出返嚟就同我講，醫生話以前有病人用過呢張醫療咭批得唔多錢，所以唔做你手術。問我有冇第二張醫療咭或者搵其他保險網絡醫生。個姑娘仲黐線，醫生寫俾我係做微創子宮肌瘤手術，姑娘叫我考慮選擇傳統開刀，價錢平啲。真係唔係人講嘅說話。真係想問個姑娘，你不如攞個子宮俾我試吓開刀？
我張醫療咭係免找數full cover ，佢唔幫我交申請表俾保險公司審核嘅程序都冇，就拒絕咗我。我聽完即刻打俾保險公司，保險公司話呢個醫生操守好有問題，建議我可以寫信向保險公司舉報佢，等保險公司考慮唔好再同佢合作。
呢啲咁嘅醫生為咗賺錢，賺得少就唔做你，揀客嚟做，態度差，趕住睇晒啲症就求其打發你走，連良心都冇埋。診所姑娘都係一啲同情心都冇。希望更多人知道呢個醫生嘅惡行，唔好再睇佢。原來人可以變得咁醜陋！

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
本人從未做過婦科檢查，早前因肌瘤問題想約婦科檢查，順道做抹片。
因打算使用公司醫療卡，便於網絡醫生名單逐一上網查看評語，發現玉醫生算是網絡醫生當中最少差評的，而且留意到玉醫生亦有於網頁回答病人提問，甚有耐性。

預約當天準時到達，登記後稍等一刻就可以見醫生，我亦坦白說是第一次作婦科檢查，很是緊張，而醫生及姑娘態度都令我放鬆、不尷尬。

醫生手勢不錯，抹片很快完成，不適感亦很低。

而肌瘤問題亦耐心解答，不會hard sell盡快做手術，報價亦合理。

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

註冊專科分類

睇醫生網 Seedoctor