經歷詳述:
我係經常流鼻血既人，特別係轉天氣既時候，之前睇過林醫生，當時係左邊鼻流血，經過林醫生電療一次已經好返，其後因為其他病入咗醫院，但雙右邊鼻流血，便請當時主診醫生幫我搵個耳鼻喉科醫生，因為當時唔知可以自己搵林醫生，個位醫生幫我電療外，還發現我耳內有真菌，所以亦順便一次過，但幾個月後突然右邊鼻流血不止，當然搵返個位醫生啦，即刻安排入院，入院第二日就再電，但又因其他病住咗幾日醫院，出院後都仲係簡中流血，所以就繼續覆診，每次都再電，之後覺得再電落去唔係辦法，唯有硬著頭皮搵林醫生幫忙執手尾，林醫生好好人，完全冇因為我搵第二個同要佢執手尾而有不滿既表情，林醫生睇完我個情況之後話再電只會越來越衰，鼻內血管都差不多電死晒，所以林醫生反而叫我用藥膏滋潤返個鼻，用藥唔夠一星期已經冇再流血，跟進再去覆診時，林醫生知到我聖誕要去加拿大，所專登開定Ｄ藥同藥膏比我，佢驚我去到落雪個鼻又出事。　真係好開心遇到林醫生，後來仲知佢出咗本書係做慈善既，即刻第一時間買埋
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇