經歷詳述:
小兒於10月中跑步弄得前手臂骨折, 去了仁濟睇急症及排了骨科,一切以為好順利沒事啦!

29/10急症覆診，我看到底片條骨彎彎地,傻氣地問醫生點解, 細問下才知道原來急症醫生當晚沒即時復位就打了石膏! 可能係急症科醫生,他答我地病人入急症時已係彎啦! 現在要直打碎再整先得, 還建議我地睇專科!

2/11睇仁濟專科時,專科醫生回覆係有14.7度彎,沒急症部門所說那麼彎,沒問題的, 還說11/11拆石膏!

因落差太大了, 7/11 自行找了第一位私家醫生(家人介紹),醫生問當時點解唔復位呀,一切就簡單啦! 醫生很苦心話係他的仔就一定整直, 更說插隊幫我個仔做手術,這時才知驚!

9/11再找第二位私家醫生就係林光前醫生(教友介紹), 他看到小兒隻手就馬上親手幫小兒拆石膏, 之後安排照X-ray, 林醫生睇過底片確診彎的, 即時比了3個選擇我地,
1) 唔理 2) 他試復位 3) 做手術

我地當然係選擇 2), 唔係第一位私家醫生已搞定,但不竟手術有利有弊未敢落實。

整個過程林醫生語帶幽默,令小兒不安盡走, 其專業及細心, 實深深欣賞及感謝。

費用方面: $2700 (手術 2次 X-ray 藥費)
本人覺得很優惠

復位過程雖痛,但我問小兒對林醫生感覺如何,他也非常欣賞, 因此特意發表報告,讓更多人認識這位仁醫。




簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介