經歷詳述:
本人有長期喉嚨痛（已兩三個月）,之前睇開另外一個耳鼻喉科醫生，解決唔到，於是需要揾另外一個專科醫生。看到網上有人推介呢個醫生，便預約試下，打電話預約好順利，姑娘都好有禮貌，第一個感覺係“可能呢個醫生真係幫到手”。
到診當日準時到達，但都等咗兩個鐘，我係尾二個病人（正常關門時間係6點）,等到7點終於到我。一入到診症室，好殘舊，心還有啲不妙。由於兩日前開始喉嚨痛加劇，咳嗽及頭暈頭痛，我把病情詳情講比佢知，只講咗幾句，佢就開始幫我檢查喉嚨，鼻，耳及淋巴，初步睇唔到乜嘢，佢建議做內窺鏡檢查（$2100）,唉，心諗（冇辦法希望攪得掂就算）。照完內窺鏡後，結果係鼻咽喉嚨冇乜問題，係喉嚨紅啲，同埋懷疑有慢性咽喉炎，但我問佢我自己照到喉嚨後面個咽喉位置長滿黃色類似膿瘡，果啲係乜嘢，佢竟然答正常嘅淋巴分泌，可能因為胃酸倒流影響。ok咁我睇下佢點對症下藥。最後，收費$3100,包五日藥（抗生素，喉糖，胃藥x2)。
結果，食咗兩日藥不但冇好轉，而且發冷，咁唯有去睇醫生，當醫生幫我檢查完及看完劉醫生開果啲藥之後，叫我唔好食佢啲藥，醫生會開過啲新藥比我，因為我有急性咽喉炎。
結論，我唔評論佢嘅醫術及收費，但好明顯佢果日係趕收工，以到未能對症下藥，同埋佢個診所好焗而且空氣唔流通，算我唔好彩吧了。
簡評:
個人觀感- 有欠詳盡、耽誤病情
經歷過程- 診証時間極其急趕，快來快去
推介意見- 本人絕對不會再作光顧