經歷詳述:
胎兒21週多，晚上突然出現持續性宮縮，亦出過血一次，擔心胎兒安全所以到診，醫生首先做2D超聲波檢查，只告訴一切正常，其間沒有問我任何問題，我主動提問自己狀況，
我：為何會21週出現這種持續宮縮不正常情況？
醫生竟然只答我⋯⋯⋯
梁醫生：其實都唔清楚有咩問題。
我：咁點解會突然出血？
梁醫生：其實都唔知咩原因。
我：咁擔唔擔心影響早產？
梁醫生：都唔會既，休息多些。
我：肚子最近覺得下垂，有宮縮，急急地既感覺，是否第二胎常見情況？
梁醫生：都唔關第一第二胎事既～
我：咁需唔需要食安胎藥？
梁醫生：唔洗～

其實我有重覆問點解會成晚宮縮咁利害，大家做媽媽的都係擔心胎兒安全，但睇完呢位醫生後好無奈，一個有醫德的醫生點會答病人「唔知有咩問題　」的答案，睇左等於冇睇，頭上一大個問號，好陰公，總之佢好hea睇得，其實唔識睇婦科寧願佢直接拒絕唔應診，就唔好比呢D咁既答案出黎比病人，令病人更無助，真人真事，我唔會浪費時間打咁多字，各位有唔舒服的媽媽盡量唔好搵佢睇，例行檢查下就冇所謂，聽到醫生咁答真係好唔開心，得個吉。 （另外姑娘們好好人，多謝姑娘！）

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 可能人夾人緣自己衡量