經歷詳述:
本人因為肩頸痛痛了多時, 看了很多醫生, 本已到了放棄階段, 後來經熟人介紹即管去試下, 初時以為真的會有希望. 我帶晒D X光片比佢看, 佢都話唔駛看, 因為佢一模就知道問題所在.

如樓下的人兄一樣, 初時區醫生確係好似好專業詳細分析我有咩問題, 話我頸骨有移位, 不過情況唔嚴重, 好有自信同肯定去三次就唔駛再搵佢. 佢用手法治療幫我LOCK頸, 第一次見他, 要收$1500, 呢個價錢仲貴過脊醫, 價錢貴唔緊要, 最緊要醫到, 整完第一次之後好似係好D, 之後我再去搵佢, 每次$750, 但第二次做完之後, 我左手成隻手同手指開始庳, 庳到真係咩都模唔到果隻. 再隔一星期我再去找他, 告訴他我頸仍是痛, 而且手有庳, 我問他為何會庳? 他沒有正面回覆我的問題, 最搞笑, 好明顯, 佢冇左之前話可以三次醫好我的自信, 也有迴避我的感覺, 好像叫我唔好再去搵佢咁.

佢幫我整完我條頸係好左小小, 至少係可以訓到下, 之前未整係完全訓唔到落床, 但比佢整完好明顯就出現手庳, 第三次整完仲要連右手都庳埋, 所以我好肯定係佢整到我咁!

另外, 我最唔鍾意呢間診所, 我每次去看, 佢裡面都有D醫科學生係度, 但係預約果時完全冇話比我聽, 而且果D學生木口木面對我說的痛症問題, 完全沒有一些同理心的樣子, 真不可想像這班人第日點做醫生!!!!!!!
有醫科學生係度, 呢位區醫生就不斷向學生發表他的偉論, 反而我唔覺得佢太FOCUS係我度!!! 我跟本就唔想做MODEL, 我係付足費用的! 我有同姑娘講過我唔想, 但醫生又叫我唔好介意, 咁我想佢醫我, 咁我可以點. 總之, 我真係好後悔去看他!!!!
簡評:
個人觀感- 診效不顯、收費不稱
經歷過程- 需要自己主動提出較多的諮詢
推介意見- 可能人夾人緣自己衡量