經歷詳述:
醫生態度極差！！自以為是！

本人腰部扭傷，最痛之時已作針灸治療，但仍有不適，希望透過西醫轉介到物理治療，且能申請保險索償，既能根治腰傷又不需破費，應是最佳方案吧。

區醫生診所於我公司附近，曾看診普通科兩次，感覺不過不失，所以有身體不適時，會第一時間想到找區醫生。

當天13號到診所，坐下就表明自己訴求，即被醫生反問：「你知道我係睇痛症架嘛！？」
我表示知道，本來亦想請區醫生治療，但不肯定保險包不包。區醫生聽後立即黑面！說：「你唔知知幾多人係寫轉介信黎睇我呀！你叫我寫轉介信（冷笑）！同埋你睇物理治療係唔會好嘅，大把人睇完物理治療都要搵我！我唔知你啦！你為左幾百蚊保險，你自己鍾意啦！同埋我今天照收錢架wo」（我以為係診金加3日藥嘅價錢）

當時我一肚氣，但繼續向醫生講自己的腰怎樣痛，幾時整親，區醫生完全hea聽！叫我上床平訓直接舉起我隻腳，動作係快嘅！但完全冇諗過病人嘅痛！粗暴！
途中醫生keep住講：「你自己鍾意啦，條腰係你嘅，你要為左保險唔睇好條腰咪去物理治療囉」


最後我請醫生記得喺轉介信寫受傷日期同列明意外，佢當時已經即時㩒開門禁想趕我走同講左句：「得啦，我識寫」

最後封轉介信收$800！區醫生做痛症治療係收800，但係佢冇幫我做治療！仲要態度極差！唔理會病人身體狀況！醫生你講到自己最專業，得佢先醫得好我！咁為何唔治療第一次，等我可以試吓佢嘅好？！

800-1000蚊睇一次治療對一般人黎講唔係輕鬆嘅事..兼要睇起碼幾次， 只係病人想claim保險唔喺你度治療幾次，你就態度咁差…無論你醫術點好（佢自稱），我都因為你嘅差醫德而不再回頭！


簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 可能人夾人緣自己衡量