經歷詳述:
我本身係孕婦，已經6個月有多因為腰痛去睇盧醫生，佢態度都幾和善同埋都問診問得幾清楚既，而且我特別交代我已經有左6個幾月。
問完診出去等，我聽到姑娘對每個病人都話要加錢（用了醫療卡之後），我當時都有用醫療卡，但都有心理準備要加錢，最後加左成$360，有消炎藥，膏布同埋一支藥膏。我覺得如果d藥有效都無所謂。
但係最後我發現原來支藥膏寫明孕婦忌用，特別寫明最後三個月的孕婦忌用，因為可能對胎兒有不良反應。事後我打去醫生問，佢表示覺得劑量低，對我屬於安全範圍。我覺得應該要開藥前同病人溝通清楚！因為尼個風險係我同BB承受，如果真係出事，人地說明書講得清清楚楚叫孕婦忌用！藥廠無責任架！
另外，因為第二日係公眾假期，診所唔開，如果我用左，又睇左説明書，自己驚場飽，又無得問醫生，咁咪自己驚左成日！
我本身第一次睇盧醫生，亦係最後一次，覺得佢收費有點貴之餘（可以媲美專科醫生），仲無解釋清楚用藥比病人知，令病人失去信心！
簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧