經歷詳述:
兩次選擇黎呢到睇醫生都係因為本身睇開果間冇開，所以就近去左盧佩雲呢間睇，差！十分之差！

第一次：耳道甩皮，痕癢，少痛，同盧佩雲講左問題，佢拎起檯面支槍完全冇消過毒就懟入我耳仔到，仲要好大力，我話唔好意思聽唔明你講咩，佢就叫姑娘入黎做翻譯，姑娘入黎淨係同我講會開幾日藥比我叫我係出面等，下？冇啦？我黎睇醫生都要知自己咩事咩病咩原因同埋之後點樣預防，你求其講兩句都好呀，乜都冇講咁，當我係黎R假睇完就走果啲

第二次：時隔大概半年，耳仔一時好一時壞抱著僥倖心態以為會慢慢好返所以一路拖左咁耐都未好，試過最嚴重時係兩隻耳仔大量甩皮，出水，啲水係有異味到後期耳朵比我自己用棉花棒撩到損曬有少少血水，耳道最入面有綠色嘅分泌物，咁啱國慶前果幾日最嚴重但係約左fd玩所以有拖左一段時間先去睇醫生，中間我有自己用生理鹽水清潔，到我去盧佩雲到睇，同佢講返症狀，佢又用支冇消毒嘅耳槍懟埋黎睇，我話耳仔有傷口真係痛，佢都唔理會叫我唔好避，大佬呀，你咁粗暴整到我傷口正常人痛都會避開啦，你唔可以細力啲嘅？最搞笑令人口啞嘅係，佢睇完&聽完我講我啲症狀之後，佢同我講話我冇事！？！？冇事我黎睇咩醫生呀？佢仲要同我爭論話耳仔係冇可能兩隻同時一齊發炎，話我唔係耳道發炎，我係普通甩皮！
首先，我唔係醫生我唔知醫生對發炎嘅定義係咩，咁我耳仔又痛又痕又出水又有異味又腫到塞唔入棉花棒，我好自然覺得係發炎，同埋我都講左最嚴重嘅時候係早前發生嘅，宜家就診可能冇一次過出現咁多問題但係之後可能又會復發，所以我係想睇真啲，順便開埋轉介信比我睇專科，直至最後佢都堅持話我冇事，仲叫姑娘幫我睇，佢問姑娘話你睇佢係咪冇事，究竟邊個先係醫生？到我走佢都冇開藥比我，連假紙都唔肯寫比我，乜撚嘢on9醫生，嘢又講唔清，眼又好似盲嘅睇唔到咁，要姑娘翻譯要姑娘幫佢就診咁濟，仲要唔理病人講咩都好都唔撚聽人講嘢，好似我講嘅嘢係呃緊佢咁，真係無語，盧佩雲醫生年紀大啦，不如退休啦，冇醫德，唔好出黎耽誤更多人嘅病情，呢個時代大家都好惜命，幫手做返件好事啦唔該！

簡評:
個人觀感- 醫術精湛、鉅細無遺
經歷過程- 需要自己主動提出較多的諮詢
推介意見- 本人絕對不會再作光顧