經歷詳述:
本人因一隻眼皮開始下垂，有張開疲倦的感覺，所以朋友介紹去睇呢位馬醫生。睇呢位馬醫生只可以揀上午的時間，但係佢養和診所開10 點，可以揀的時間唔多。朋友話佢睇好多明星，做左好多年喎。咁好啦，可能真係做得好，唔憂做，所以時間比較無彈性啦。我同朋友一齊睇，預約左10點半，準時到達。但登記血壓都未量完，呢位馬醫生好趕咁入來睇我地。佢一開始就話自己好趕，要10:45 走。我當時睇下個鐘，10:40分。即係5 分鐘內要睇晒我和朋友。過程咁趕當然馬虎，講解似播帶背書。望一下我朋友對眼之後就話夠鐘，望都無望過我對眼就走左。姑娘之後無收診金同係咁講唔好意思，幫我地改期再睇。因為避免朋友尷尬，無可奈何都要接受，況且呢位馬大醫生已跑馬咁走左。
明明預約左個時間都要趕住走，再約其他時間補返未完的面診都要左就右就！日日都限住早上，但十點開門，十點半個症都趕住睇唔到。呢位大醫生咁忙，不如唔好睇症啦？病人都要抽時間過來睇架！

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 可能人夾人緣自己衡量