經歷詳述:
我自己本身就因為個人既月經問題同性交時有痛楚而求醫,
我都系第一次去做婦科檢查,
入到醫生房,先循例問我有咩唔舒服(態度勁差而且語速又快),
唔聽清楚我講既嘢都算,仲要扮晒串去諗住"窒"我,
問左我一句'之前有冇做過婦科檢查'之後,
咁就好急咁叫我瞓上床度幫我開始檢查,
點知,佢乜都冇問過我就插左個銀色既嘢入黎,
然後話我知會拎去化驗,
跟住就好粗魯咁插支超聲波入黎,
(期間佢竟然系度同個登記姑娘講笑),
都唔緊要啦,我以為佢會詳細啲同我解釋下啲結構又好點都好,
結果就系佢揸住支超聲波系我子宮隊左隊右,
話呢兩邊系卵巢,如果性交個陣撞到會痛,
我連個螢幕都無得睇,勁快咁就完左所謂既檢查,
跟住我望到支棒有血,
佢應該見到我個表情然後就即刻話我知因為頭先拎左你子宮既組織去驗,
所以會有啲血,正常既,兩三日就無架喇,
然後佢就指住幅女性生殖器官既圖講左大概三句左右就岀返去佢張枱,
我著返好件條底褲就岀去啦,
點知佢系度㩒梗電話,
最後仲要系佢望住部iPhone講,
"如果你吾想再月經前再有血既話就食避孕丸啦,
況且你都要避孕架啦",
但就完全無講過建議我食咩牌子同食咩份量,
我個刻真系再問佢都費事,
但到我俾錢個刻我就更加嬲,
收到咁貴,但啲服務同專業程度差到咁真系令我好唔服!!
診金收750,化驗350,超聲波550=$1650
我越諗就越覺得我尋日得既服務唔應該系咁,
直到我再系網上搵到呢個網..
原來可以發表到對醫生既意見,
但可惜我太遲..最後都中左呢個伏..
by the way,我現時子宮都無原因咁仍然痛緊..
如果佢未來呢段日子都唔反省下同改善既話,
我相信好快就會流失客源,
最後總結,
我以後好肯定唔會再去睇呢個所謂既"醫生"!!
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧