經歷詳述:
主動講述以往求診經驗, 以往(十多年)的醫生開既藥都一般。於是今次去睇, 我期望佢幫我診斷後可以比一封轉介信比我睇專科。因為我公司med plan要求, 而且我個med plan係包左可以睇專科, 所以我先會提出, 但佢講左D說話令我好質疑佢。吳醫生話: 你呢D唔駛睇專科既, 佢地都係比我呢D藥你既姐, 唔駛睇既....都係幫你止痕, 都係會返發, 你唔去R, 就唔會咁嚴重架啦。

我心想我如果唔係痕我都唔會R啦, 我想去睇專科目的係想得到重點治療, 而唔係止痕咁簡單。我相信有皮膚專科係會有專門的治療方法, 如果下下都好似吳醫生咁醫法, 我相信唔需要有專科醫生囉。我真係希望得到適當既治療, 而唔係你果幾日止痕藥。

最終, 吳醫生都冇比信我, 亦只係對我有十幾年既濕疹開左好一般既piriton四粒比我(黃色圓型"百利通"), 仲有係一盒藥膏仔我。(但我事前比佢睇過我用既既藥物名稱佢知)都係咁樣。

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧