經歷詳述:
態度惡劣,又係亂開抗生素比BB的冇醫得的醫生.

話說我個仔14個月時發燒,開頭以為佢出疹,燒左一日,高見39度,但由於星期三,平時睇開個醫生又係例假,最後問左朋友話里位岑醫生幾好,但又要等好耐, 以為多人睇就好.

等左成兩個鐘,入到見醫生,講左BB試過最高39度.佢就話可能係中耳炎,然後就幫BB照耳仔,但BB開始喊,又郁黎郁去,佢照左一陣,叫BB你唔好郁喇,媽媽要捉實啲先得架.當然BB係繼續郁. 個醫生呼左一大嘆氣之後就話係中耳炎,耳仔紅晒喇.

其後,佢就話要食7日抗生素,咁細個B,我就同佢講,可唔可以唔食抗生素食消炎,佢就話"醫生叫你食抗生素就梗係要食架喇!"
我之後又同佢講話唔食7 日食3 日得唔得,佢就好勞氣咁講"你唔好再同我係度討價還價喇" 我真係比佢唧回應嚇住左, 唯有離開間房,比錢走.

返到屋企一直唔敢開始比藥個仔食, 諗左好耐決定明日睇多個醫生(去返中環),同時一路mon 著bb. 第日去到睇第二個醫生, 佢好有耐性咁同BB玩,又分散佢注意力,照晒兩邊耳仔,每邊都照兩次. 佢都話佢冇中耳炎.之後仲話佢只係有小小燒,但好精神,唔會開藥比佢食,比BB自己打D菌.

雖然住元朗,但我希望里位岑醫生真心醫人,EARN左錢,但係害人的, 你都唔會開心喇.

我個人一定唔會再去睇佢,但眼見仲有好多媽媽跟BB等足兩個鐘去睇一個劣行醫得的人,希望我打里篇可以幫你地反思仲值唔值得去睇佢
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧