經歷詳述:
諗起有朋友提過之前做泌尿科 所以經介紹下去左我朋友之前公司睇葉醫生 不過事前朋友有同我提及過葉醫生幾出名 朋友之前喺度做嘅時候葉醫生好多客 有問題葉醫生都好有耐性解釋 但姑娘就真心麻麻 所以我都本住一個只要葉醫生幫到我爸爸就可以嘅心去見醫生
當日一去到 店內無客 有個便服女士同我爸爸登記 當其時女士態度都麻麻 好似好唔想理我地阻住佢咁 到見醫生時 葉醫生有耐性解釋爸爸提出嘅所以問題 到見完醫生後 女仕收錢時 態度差到我想講粗口 醫生開左1星期藥試下 1星期後覆診
最後無再去見醫生 原因 我拎左藥去藥房配藥 一星期藥百幾蚊 但當日見醫生收三千多 差不多四千 其次係接待女士態度真心不能接受
當然我有問返我朋友 佢同我話其實醫生開幾錢都好 出到去有人會加大收費 當然知道果位女係邊個 同醫生咩關係 但我朋友都話出去配藥就可以 無特別就真係唔好再返去比人呃錢

簡評:
個人觀感- 醫術精湛、鉅細無遺
經歷過程- 需要自己主動提出較多的諮詢
推介意見- 可能人夾人緣自己衡量