經歷詳述:
上一post漏咗件事：第一次見蒙醫生，叫咗我入去，跟住等佢打電腦，打5分鐘電腦佢唔講嘢我唔講嘢，大家靜靜聽佢敲鍵盤。
終於打完啦。問我嘅第一句說話唔係關於我嘅病情，而係問寫轉介信嘅醫生叫咩名？佢間診所喺邊度？係咪都係卓健㗎？咁奇怪嘅問題！
我之後先諗到可能reception收咗轉介信而佢本人未睇過，但係我booking時講過轉介嘅診所要我問清楚醫生是否做到頭頸外科，所以佢可能覺得被質疑被冒犯被挑戰，因此連帶對我個轉介醫生心懷怨恨。（第二次佢先老實講出佢唔係專長頭頸外科）。其實我嘅轉介醫生根本唔知我會搵邊個醫生，希望蒙醫生你不要錯怪好人。
喺度我只係希望呢位蒙醫生可以：1、心懷謙卑之心；2、培養醫者父母心。
對於不善長嘅範疇，一係老實承認，一係繼續進修學習。
我喺度睇到嘅兩個高分評論都係腸鏡，如果你專長腸就坦白講，不要為咗賺多兩次錢將自己不善長嘅病症招攬嚟睇。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧