經歷詳述:
張醫生係第一個令我對睇精神科改觀嘅醫生， 當初以為睇醫生越老越有經驗就越好， 經好朋友醫生介紹，第一個是一位旺角老醫生，第一次見面只是十幾分鐘， 就開了六至七種藥， 有幾隻鎮定劑、又有幾隻抗抑鬱藥， 佢好似咩都唔了解， 叫我一次過食曬漁翁撒網， 結果啲藥我食都唔敢食， 我驚食完返唔到轉頭， 要食好耐。 第二個旺角醫生， 冇錯係好便宜， 佢好像太忙，冇乜點了解我病情， 見面時間很短， 啲藥食完之後，好似冇乜點好過， 試咗四五個月， 都好似好唔返。 再問我個醫生好朋友仲有冇好醫生介紹，佢話最近有幾位病人讚張逸和醫生幾好， 不如你搵下佢啦！
張醫生令我感到很意外
原來第一次評估是一個小時問診， 對我的病情了解得很詳細 ，診斷也很準確。 見完第一次之後已經好有信心。當初以為要一至兩個月時間先會好轉， 點知服用過新藥到第三日， 我個心情十幾年從未試過咁好、咁舒服、 冇曬啲鬱悶！ 我真的很感到意外， 為何會這麼快？ 張醫生話每一個診斷和症狀， 所用的藥物也有不同， 不能一概而論 ，也要經過詳細評估， 才能決定哪一隻藥會比較適合和快見效！ 總括來說， 張醫生係一個仁醫， 佢會用最短嘅時間最少嘅藥物醫好一個人， 絕對值得推介！
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介