經歷詳述:
見到評論唔錯又位置方便，於是預約去洗牙。雖然病人唔少，但時間管理做得算ok，大概十分鐘就見到醫生。

醫生檢查過之後建議我照張大片，因為我刷牙刷得唔好又食得煙多，有中度牙周病。醫生同我解釋過張片後，我先發覺問題有幾嚴重，再唔處理有幾隻牙會救唔番，但係唔知點解之前睇果啲牙醫從來都無同我講過有得解決。之後我番屋企打電話問下其他診所的報價，發覺醫生報嘅平咗一截，又有得碌卡嘈分，於是決定約時間做。

成個牙周病療程要番去幾次做深層清潔。如果經常流牙血，真係要及早檢查，如果唔係到時無左隻牙再種番隻假嘅就喊都無謂。

成個求診過程感覺幾受重視，醫生幾細心溫柔，唔會好似我以前睇嘅牙醫一係事旦噴下水耍我，一係好似劏豬咁粗暴。
姑娘之後又會打番電話俾我問我有冇唔舒服，都算物有所值。

簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 想充分掌握病情者應試