經歷詳述:
醫生極冇醫德，嚇到我死！

首先入到治療室就問我點解我隻腳多瘀傷，我話我打泰拳成日碰撞，佢問我血係咪有問題。然後問我乜事，我話有2隻牙有D搖晃仲用牙籤時有血，然後佢係咁易check我D牙，話我有嚴重牙周病，唔係2隻，係幾隻都應該留唔到！我已經俾佢嚇親。跟住照x ray後講一大堆我D牙嘅問題，我自問一向理解力甚高都俾佢搞到一頭霧水，之後又問我係咪有骨質疏鬆，我自問飲食健康，這日做運動，更加莫名其妙。跟住又話幫我拍細片（當時我都唔知乜野係細片？？）之後又話睇唔到，拍左2次又話睇唔到，跟住同我話關於鼻腔，我更加一片迷惘😵😵‍💫，佢問我明唔明，我話真係唔知佢想講乜，我又唔係醫護，佢話費事同我講（相信係嚇我唔到，開始發脾氣），又問我想點，我話我黎睇醫生梗係想聽醫生建議，佢話脱左隻牙再介紹專科俾我，我問冇左隻牙，有個窿其他牙會拉疏，佢冇解釋之後點處理，只係話呢D唔係以日計係以年計。我話我番去消化下佢嘅資訊。當然冇再番去。

後來去左另一個牙周病專家，佢都係話我有嚴重牙周病，要深層洗牙，但完全冇提脫牙。另外朋友都話一般牙醫都建議盡量保住D牙，唔會亂叫你脱！
個人覺得佢毫無醫德，又唔解釋治療程序，仲嚇我話我血有問題，骨質疏鬆等，根據最近養和醫院經歷，現今醫生想盡辦法做唔同treatments, tests, refer 俾其他專科又可收錢

簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 本人絕對不會再作光顧