經歷詳述:
上星期在許𨫡文醫生處做了一個白內障手術，首先我的手術非常成功同順利，真係要多謝醫生的妙手仁心令我重見光明。本人一向沒有事不看醫生，直到最近發現左眼完全看不到東西才想起去配過副新眼鏡，以為眼鏡度數問題。點知去到視光師度做檢查佢叫我去搵個醫睇，個時先知自己原來眼有問題，幸好我個女之前因角膜損傷經常透過公司醫療看許醫生幫佢解決了眼睛經常痛的問題而接觸到這麼好的醫生，阿女說次次睇呢個醫生排隊等待期間都會見到有病人做完白內障手術回來折沙布，聽那些做咗手術的病人贊醫生手術做得好好，個個拆開沙布都好開心，話睇野好清楚。所以阿女親至幫我預約許醫生幫我眼睛檢查，當時醫生同我講隻眼完全看不到做完沒有太理想的視力，因為白內障太熟會有風險。當時等做手術的個幾日真係日日都擔心，又怕自己眨眼又怕痛又怕見到刀之類。原來做的過程除咗做見到光同有嘢郁緊隻眼係無痛的感覺，真係沒有想像那般驚，手術過程也好快。手術後第二日覆診我已經可以睇到野，醫生話角膜有少少腫過幾日會更清楚。昨天做完檢查視力原來恢復10成，醫生擴大了我瞳孔檢查咗我眼裏面話我眼晴的晶體好穩定，黃斑個點、視網膜、同視角經線都好健康，真係好開心，3個星期後複診考慮做埋另外一隻眼晴，希望兩邊平衡可以睇更好。
許醫生真係一位好醫生，有經驗又細心，值得信賴

簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 已視為本人的必然選擇