經歷詳述:
因為濕疹主婦手嚴重，朋友介紹曾偉之醫生，話係皮膚科醫生。去到診所內見醫生診症，好快都話係主婦手，然後就話要打類固醇針，有對醫生表示對類固醇針有擔心，問會唔會有其他處理方法，然後佢只係話我哋會睇住你，亦都冇提供其他方法。而係診所內見到大部份病人，超過九成，都係接受打針治療，因為係要喺診症房行返出去姑娘房度接受打針，所以會見到大部份人都係被安排打針。
然後結果主婦手係頭兩日情況係有急速好轉，但係之後即刻比以前情況更加係嚴重咗好多，另外，身體都有好多其他不良反應，例如月經失調，就會知道佢所講話睇住你其實都係假，大膽估計其實所有皮膚科問題，佢都係只會開一支類固醇針幫你打，其實完全冇長期根治到皮膚問題，只係用急性嘅類固醇處理方式，完全無視類固醇對身體嘅影響，亦都好懷疑有冇必要一開始要用類固醇針一啲咁強效而同時亦都有相對比較強副作用嘅方法。另外睇返醫生背景，其實只係普通科醫生，因為呢位醫生應該係冇皮膚科專科資格，當然只係朋友冇搞清楚同我講曾醫生係皮膚科醫生。但係若果大家有皮膚科問題，建議大家真係搵返一個皮膚科專科醫生。
事後自己再搵返皮膚科醫生睇，有俾返好多處理皮膚問題嘅意見我，例如反而係建議我着重保濕皮膚同埋減少對致敏源接觸等等。所以更加意識到唔係所有皮膚問題，一開始就用類固醇去處理。
所以被介紹去打算睇醫生嘅朋友，真係認真考慮一下。


簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧