經歷詳述:
醫生要有醫德，要從病人角度出發，但呢個醫生完全無！！！屋企人個頭唔舒服，聽家庭醫生建議搵個腦內科睇！上呢網搵，好多醫生都要排最少二星期先睇到，但呢個王志強第二日已經可以約見。一開始佢比我感覺好似好細心、好詳細，語氣好斯文！做晒手腳平衡檢查，又用醫用錘仔扑手腳。但惡夢由呢一刻開始！佢開始變面，用好斯文嘅語氣狂串你，好似病人唔舒服係病人唔啱咁！求其開咗啲藥，照都唔照個腦就打發人走！搞到好似我哋犯咗錯咁！完全係庸醫！之後我地經朋友介紹，搵咗另一腦內科醫生，學歴同臨床經驗多過王志強多多聲！佢好用心，真係從病人角度出發，想幫屋企人解決頭部問題，照咗腦但無事，呢個醫生再詳細問多次病情，怕我屋企人漏咗講，思考咗一陣，佢為安全起見建議我屋企人照埋條頸嘅mri, 最後原來一切問題係由於頸椎壓到神經線，再引起頭部不適，醫生話就好似火燒連環船咁嘅情況！希望呢個世界唔好再有庸醫！亦感激真係為病人角度出發、尋根救治嘅好醫生！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧