經歷詳述:
第一次睇何醫生到美麗華26樓， 步入診所有專人為你登記服務， 態度真係好好！放眼一望嚇了一跳， 淨係接聽電話都有成六七位小姐，還有多位職員在工作中，中心感覺就好似進入了一間小型醫院一樣，雖然等候的人好多…但容納地方超過1000呎十分寬鬆，仲有一大片玻璃窗可以居高臨下，當時我一度等一度喺度驚緊會唔會收費好貴呢？之前喺旺角嗰間雖然話700蚊，但係望咗兩眼就要我驗呢樣嗰樣…
搭正10點45分何醫生真係好準時應診，我將我嘅病情一一細數都用了一段時間，何醫生好細心咁聽完之後講解，再細心講解我病情並不是外間所說耳仔老化；同埋耳水不平衡…因為政府同私家都講過耳水不平衡；耳鳴；耳退化…係冇得醫你只能接受，何醫生說只不過係中耳炎，我好開心呀！因為呢個係可以醫治嘅病，而且佢何醫生真係好好人呀同好慈悲呀！好主動同我講同你寫封信去政府醫院，希望排期可以睇政府醫院，當時我覺我係一個星斗市民，睇私家對我屬於昂貴！還有我在出面等寫信期間，護士姑娘走來同我講而談話中曾談及，大概就係解釋何醫生診金減收，但這位姑娘嘅說話並沒有令到我覺得蒙羞！反而我好感激何醫生主動為我減減診金，我十分覺得何醫生真係好體諒我哋啲小市民，何醫生不單止慈悲亦都係一位君子，所謂君子愛財取之有道！本人在此感激何的煒醫生的仁心仁術！

簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介