經歷詳述:
一直都好怕睇牙醫, 因為成日覺得睇牙醫一定會好痛好唔舒服, 直至上年有牙蛀黑左, 唔整唔得, 之後有朋友介紹何醫生, 朋友話佢係一位好細心嘅醫生, 好彩真係無信錯朋友, 這位醫生一直都好細心同埋好仔細咁幫我處理我好多牙齒嘅問題, 我有好多嘢問, 醫生都好細心用好多時間同我解釋返。最後醫生發現因為我啲牙齒排列唔整齊, 引致刷牙唔乾淨, 最後建議用透明cool牙嘅方式排返齊啲牙齒, 令到我可以容易擦乾淨啲牙, 而家已經cool左大半年, 真係明顯啲牙齊左, 用牙線都容易左, 何醫生都一直好細心和有時好長氣甘提醒我一定要戴足時間, 我都知佢為我好嘅不過有時真係太長氣😅 可能佢好擔心我戴得唔好Haha

仲有睇電腦圖都等左成個半月, 其實真係耐左少少, 如果可以快啲就仲好, 不過我問姑娘係因為醫生花好多心機時間去改, 好似雕花咁雕😅 咁無辦法唯有等醫生搞好, 其他嘢就一切順利, 希望八個月後會順順利利完成所有療程。
簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 已視為本人的必然選擇