經歷詳述:
我老公腰背痛到自己企起身都有困難,我係網上睇到錢醫生有好多好評,覺得應該唔會差,咁我就直接打過來預約,周姑娘聽電話嘅,佢真係好有耐性咁聽我講述我老公嘅情況,原本禮拜六已經無期,但係佢聽我講到我老公痛到訓覺都訓唔到,佢就安排我禮拜六一早去見錢醫生.錢醫生好詳細咁幫我老公檢查全身骨嘅位置,逐一按下要我老公感受一下痛嘅程度⋯非常認真！原本錢醫生提議我老公照X光嘅,我地話醫院已經照咗話睇唔到有咩,後來佢話咁不如直接去照磁力共振啦！你24小時咁痛係有啲唔尋常,錢醫生係一個為病人著想嘅醫生,佢見我老公痛得好辛苦,當機立斷幫我老公打咗一支止痛針,亦都即時俾藥我老公食,佢又擔心我老公食咗啲藥會唔舒服（個藥有啲人食咗個胃唔舒服嘅）,要我地等候耐少少,如果個藥唔適合就換藥（非常體貼）⋯

錢醫生睇咗我老公三次,佢淨係收咗一次診金,（佢知道我地無買醫療）其他果兩次佢有幫我地睇報告及分析病情,但係淨係收藥費,每次見完我地都拍住我老公嘅膊頭叫佢使太擔心⋯我從未遇到一個咁好嘅醫生,仲有兩位姑娘都好好,周姑娘同黃姑娘都非常和藹可親！
值得推介！
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介