經歷詳述:
忍唔住要註冊分享睇呢位老醫生既悲慘經歷
話說本身係其他皮膚專科睇過同一個位話係濕疹，只係因為公司醫生要等三幾個月就唯有搵其他網絡醫生
首先我已經俾左一次機會佢正確斷症，點知第二次都係一肚氣無處發泄。
第一次搵佢等左兩個幾鐘，以為佢醫術好精湛，原來係假像口水多。入到去同佢講有濕疹，佢話你點知，我話幾個月發作一次有睇開醫生，結果佢睇左跟住影相，跟手拎本書出黎話你睇下你似係皮膚炎即係俗稱暗瘡，我話唔係啦搽開藥膏，我指有問題既位俾佢睇，佢淨係睇隔離d油脂粒，話上次係濕疹唔代表今次係，叫我食抗過敏兩星期再返黎睇下點，咁我唯有信啦。
兩個星期後，食晒d藥，一d好轉都無，又等左個半鐘以上，入去我同醫生講佢斷錯症啦唔關油脂粒事，跟住佢話濕疹都係皮膚炎（心諗我夠知啦）問題係用錯藥呀！我話你不如俾藥膏我搽，佢就用五分鐘解釋類固醇係有咩副作用，所以唔鍾意用，又話佢唔信既，
開d勁d既藥俾我咁話，話食藥唔會食壞人最多無效，我話我食兩星期都仲勁癢，你俾我搽幾日就好返啦，最後佢話佢唔信所以係無藥膏，我真係火都黎。最後得一星期既抗敏藥，食晒咩都無好過。
係就係公司卡，但浪費左我兩次專科quota仲要之後再睇普通科要拎醫生紙再睇另一個皮膚專科，勁嘥我時間。
強烈唔建議大家睇呢個dump症醫生
簡評:
個人觀感- 有欠詳盡、耽誤病情
經歷過程- 求診病人實在太多，等候需時
推介意見- 本人絕對不會再作光顧