經歷詳述:
我2019年尾去呢間黑店做激光
做之前已經係what’s app問可唔可以係元朗複診
佢地既答覆話可以
因為我係元朗住同返工，佢話可以我先去呢到做
始終術後複診都好多次
唔想嘥時間，就算佢貴過其他中心我都揀佢

但做完之後每次問可唔可以係元朗複診
佢地都話唔得
同我講元朗無咁多儀器檢查
所以一定要係葵芳檢查

係唔係攪錯呀！
我第一日問smile矯視診所係知道
未做前有話可以元朗複診
當時會唔知元朗既儀器足唔足夠咩！
根本就係氹人去佢到做手術
呢種不當既營銷方法
大家一家唔好上當


另外就係診所既葉醫生
每次檢查起碼等兩三個鐘
個人又要黑口黑面
入到去睇佢檢查幾下就算數
有時隻眼唔舒服，本能反應縮一縮，
即刻就會俾佢話，態度仲好差，一d都唔會俾面
檢查完就算數
仲之你快d走既樣唔好阻住佢做生意咁


仲有就係佢d護士，
個個好似新嚟做咁
問親野就亂咁答

我試過有到次約左4:30
早一日打電話去想改早d
但問左幾日都無期
咁護士話唔緊要你早d上嚟都可以架
咁我當中12點幾都想打多次去問
12點幾打兩次無人聽
電話錄音話辦公時間到6:00
無提過有lunch time

咁我照上去見到護士食緊飯
我都唔好意思阻住大家食飯
只係要求坐底等

有個衰姑娘走出嚟話我阻住佢地
我坐係到一粒聲都無出過
護士照樣食飯
我又無嘈過俾人點左上嚟
俾人趕我走
我已經好聲好氣講我住元朗無地方去
唔想周圍走
而家咩時勢佢叫我周圍行
仲點我點去露天廣場
當我係咩
賓妹呀！坐係地下曬太陽
我有咩事係唔係佢負責呀
我塊面出斑係唔係佢俾錢我打斑呀！

仲要我好嬲俾人點落樓下時打返電話上去問
到底醫生幾點返
竟然話我知醫生成4:00先返嚟
大佬又叫我早過去
原來醫生未返
叫我早過去
等多幾個鐘
有無咁衰咁pk呀！

所以呢間野無講制度，醫生，護士
無一樣係好
除左視光師叫做細心一d外
真係毫無好處

真係唔好去亮視美矯視中心

真係唔好去亮視美矯視中心

真係唔好去亮視美矯視中心
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧