經歷詳述:
我媽咪因為食野辣親嘴唇生咗粒野個幾月，經轉介下去劉醫生到就診，劉醫生話係生肉芽要做手術割咗佢。當時媽咪聯絡保險經紀去claim手術費，經紀話因為係意外辣親可以claim意外保。劉醫生一聽到要claim保險態度變得好差，我媽咪當時不以為然以為佢嫌麻煩。手術當日劉醫生填左份保險form但有兩項填錯，覆診當日媽咪叫佢修改，佢即時大發脾氣話自己日日填20幾份form難道會填錯，仲問依加係咪要保險經紀教佢做野。之後佢仲質疑我媽咪辣親係講大話，話因為化驗報告出黎係血管瘤而唔係肉芽，但當時明明係佢診斷為辣親生肉芽。最後佢態度極差地訓示咗我媽咪近半個鐘。

我唔知劉醫生與保險經紀之間有咩過節，但站係病人角度，我媽咪已經不幸受傷要做手術，買咗咁多年保險終於排上用場，但都要受完劉醫生氣先可以claim到手術費。劉醫生醫德可圈可點。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧