經歷詳述:
2021年9月中，我做咗中大M3大腸癌檢測，10月中取報告，結果發現，我腸臟有息肉嘅指數是92%，腸癌嘅指數是中至高， 醫生建議我要盡快做腸鏡檢查。

本星期初約見霍醫生， 做了初步嘅檢查，並建議我腸鏡、胃鏡一齊做。 迅速安排我在10月22日在倍安日間手術中心進行胃及大腸內視鏡檢查。

手術九點半左右開始，到十點半左右完成 ，完成後，霍醫生立即通知我太太， 過程順利， 而且大腸沒有息肉 ，只有胃裏面有一粒息肉，已經切除 ，並會進行化驗，初步觀察，冇大問題，大約一個鐘頭後，我麻醉藥醒後，我和太太一齊見霍醫生，當時他已經準備好腸鏡和胃鏡圖文並茂嘅報告，幽門螺旋菌快速測試結果，以及大腸鏡嘅影片等等。 然後， 霍醫生詳細解釋報告內容，令我感到安心，沒有大問題，兩星期後覆診及取胃息肉嘅組織化驗報告，整個過程3小時內完成。

我們對於霍醫生既專業知識，手術及報告嘅高效率，感到非常欣慰，解決了我們多日嚟對大腸癌嘅焦慮，令我們心情平復。

感謝霍醫生仁心仁術、高效率的手術安排及手術後的清楚講解報告。 我願意推介霍醫生比有需要人士。

簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 已視為本人的必然選擇