經歷詳述:
睇咗曹醫生二十幾三十年，自從佢搬咗去上水廣場之後就差咗好多，脾氣差，問多兩句就黑面。既然睇咗咁多年，有哂病歷紀錄，都算數繼續返去睇，諗住打去掛號先，免得白行一趟，但冇人聽電話嘅。最後見到醫生，一如所料黑面對待，佢願意講嘅的話你就聽，唔明你就唔好問。返到屋企，食藥後忽然成個人頭暈企唔到、不由自主顫抖、心率跌至1分鐘40幾下、血壓飆升，我從未試過咁樣，應該係開藥太重身體受不了，而家疫情又冇得叫白車去急症室，好在嘔得返啲藥出嚟。朋友話今朝應該打去診所問醫生跟進， 鬼唔知咩，你要診所有人聽電話先得架! 其實打去都未必有用，佢只會覺得你挑戰佢，唔信佢。其實我而家真係唔再信佢囉。

簡評:
個人觀感- 普普通通、中規中距
經歷過程- 只知取藥付費，未能盡釋疑慮
推介意見- 可能人夾人緣自己衡量