經歷詳述:
第一次嬲到要打留言板, 希望可以有機會話比所有人知呢個醫生係幾唔專業。

-------------------------------------
之前我隻眼唔舒服去左銅鑼灣港安醫療中心睇另一個醫生,覺得幾好, 諗住同一個中心D醫生都應該OK,同埋見馬醫生喺中環都有診所,都應該唔會差得去邊,咪book睇佢囉。

一去到,我同佢講我情況係我伴侶發現我最近鼻鼾好犀利同埋有時會好似濁親咁抖唔到氣... 佢就叫我除左口罩,檢查下個喉嚨同鼻,問下我有冇鼻塞同肥左, 一下句就係問我帶唔帶機?

我當然係聽唔明咩係帶唔帶機啦,咁我咪問佢囉

佢話"D人有睡眠窒息症咪帶機囉, 咁你有你帶唔帶丫?"

"咁除左帶機仲有咩其他選擇?"

"帶牙膠"

"咁帶牙膠啦... 帶機好似好唔方便咁"

"咁你想喺邊度做test丫?"

(我又再黑人問號啦,做咩test呀?) "請問係做咩test呢?"

"睡眠窒息症丫嘛! 你想喺醫院做定屋企做,醫院做就瞓一晚,屋企做就technician上黎set機"

"ar... 醫生呀... 咁我即係係咪睡眠窒息症呀?"

(一秒發脾氣) "你唔check點知你係咪睡眠窒息症啫? 你check左先知丫嘛!!!!!"

"醫生呀... 其實我識就唔駛問你啦..."

"聽你D症狀就似係囉, 要做左個test同照埋個內窺鏡先知"

(當佢發脾氣嗰下已經想走)"下... 保險包埋check囉,保險唔包唔check架喇"

"阿姑娘,有冇得即刻幫佢check定可唔可以比住deposit等佢可以做左個內窺鏡先?"

"醫生呀,保險包我先check"

最尾姑娘都話唔會即日知道結果,所以都係走左, 不過就算最後保險有得包,我都唔會再搵呢個咁唔專業嘅醫生去follow我自己個case。因為佢連最基本同病人解釋個病情況,成因,療法呢D所有程序佢一樣都無做過。佢眼中只係想快D可以做到一次內窺鏡然後可以收到錢。佢assume所有入黎嘅病人都好似對自己嘅病已經有認識一樣,仲用一個咁差嘅態度去對待人, 咁樣真係一個醫生應有嘅態度嗎?



簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧