經歷詳述:
從冇上網寫過評論，今次第一次，因為真係太過分。

我爸爸80歲，夜尿問題影響好多年，晚晚瞓唔到，睇公立食藥又冇用，打算搵專科睇下，睇好多媒體報道都有陳醫生，以為名醫好好，點知原來冇醫德，只懂賺錢做月球人。

話說我媽陪爸爸去睇佢，我爸爸年紀大講嘢唔清楚，我媽媽就代爸爸講，點知佢叫我媽唔好再講，否則”踢你出去”。我媽呆咗勁想走人，但老人家死忍，諗住如果幫到嘅算數啦。然後佢問我爸爸幾時開始下腹少少痛，因為太耐佢醒唔起，然後佢又話我爸爸咁都唔記得。年紀大緊係口齒不清又冇記性架啦，對老人家咁冇耐性態度咁差嘅？

然後唔夠2分鐘就叫我爸媽出去。收$1800診金，再叫佢去隔離診所驗小便$2500, 再第二日去另一間診所照超聲波。

我知香港睇專科貴，鬼叫公立等咁耐，但點估到花咁多錢仲要受呢種對待。狗眼看人低，睇唔起我爸媽覺得唔係佢啲”真正客仔”。我睇返呢度有啲評論話佢態度超好又有耐性嗰啲，一係就係打手，再唔係就係佢哋認錯人。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧