經歷詳述:
我很幸運遇上孫漢治醫生。

在等PET CT Scan報告期間，呼吸科醫生選了幾位心胸肺外科醫生俾我，我上網做功課，見到孫醫生好有經驗，做過好多更複雜嘅手術。

我提早左攞到PET CT SCAN報告，證實我患了肺腺癌。當時我心忐忑不安，我就打去孫醫生診所睇吓可否改早d期睇孫醫生，但姑娘話孫醫生準備做手術，佢好helpful幫我send d報告俾醫生睇，我估唔到孫醫生喺咁忙嘅情況下仲會體諒病人嘅憂慮，抽時間在電話同我講左幾句令我心都定d。同日下午就見孫醫生，佢好詳細話我知我個病去到咩階段，可用咩野治療，佢嘅經驗同佢發自內心嘅自信同肯定，給我好大信心，我明白到呢癌症係同時間競賽，孫醫生都同意速戰速決，我就被安排當晚入院，第二天早上做手術！ 

手術過程好順利，孫醫生用極之微創的單孔胸腔鏡肺段切除術替我把這個早期肺癌根治。他還很細心，顧及到我家人嘅擔心，我未返到病房孫醫生已經親自打電話俾我家人報平安，很感激孫醫生！孫醫生嘅風趣同勁度十足嘅正能量令我同我家人都好勇敢同好輕鬆面對呢個病。亦令我好安心咁渡過呢次難關！手術後第二日我就出院了！好似發左場夢咁，有d唔真實。孫醫生好似變魔術咁，真係醫術高明！手術後康復得很快，傷口很小和很美麗。現在手術後才兩星期，我已經差不多完全康復了。孫醫生放緊假還記得發信息問候我嘅情況，佢對病人嘅責任心同關懷，真係唔係個個醫生做得到！

多謝孫醫生！很幸運做到佢第4位手術後可以第二日出院嘅癌症病人！我相信孫醫生嘅仁心仁術會幫到更多嘅病人！

P.S. 佢嘅履歷都好猛料，1982年香港大學醫學院畢業。在香港接受最好嘅八年訓練。之後再去美國哈佛大學七年，華盛頓大學兩年，接受全世界最高學府嘅訓練。佢老師包括全世界氣管外科之父哈佛大學Hermes Grillo 教授，和全世界第一位肺移植成功的 Joel Cooper 教授！



簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 值得向有需要人仕推介