經歷詳述:
年初頭頂突然腫起兩個小圓塊，頸又腫左一邊，最終耳仔發炎覺得冇得逃避一定要睇醫生。

朋友上網搵左李醫生就陪我嚟睇，入門口護士有禮、地方乾淨，感覺幾好。燈光暗左啲。

之後等左個幾鐘差啲訓着，輪到自己睇就知點解，因為醫生講解得非常詳細！

逐個問題解決，先照內視鏡，清洗耳仔處理左發炎啲白色一達達，再照頸超聲波。專業熟練，very resourceful!

洗耳完全唔痛而且好詳盡講解照緊邊個位置，聲帶鼻咽喉嚨內耳都照齊，到最後幾樣小毛病（良性）照到出嚟，但醫生都係話交比我自行決定要唔要做手術，又會講明預算，例如頭皮息肉要半麻醉，手術會點做，大概幾耐幾多錢等等！

途中又會解答病因，講解埋啲圖，睇左成個鐘，非常有耐性。（有單據可以提供比網站證明我今日睇醫生嘅）我自己好滿意，希望第時越黎越多客嗰時，醫生都可以keep住今日佢嘅耐性同醫德。因為病嗰時係擔心多過痛，搵個唔拖症唔耽誤治療時間嘅醫生真係好重要。


簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇