經歷詳述:
徐加明醫生非常好，本人在這幾個月內都覺得耳仔聽野好似下降左，睇過普通科，都唔得，食完藥都覺得耳仔有水聲，而我的朋友話叫我搵專科睇下，但本人冇任何保險。所以一直都唔敢睇專科，情願自己入公家醫院排專科，但起碼要排幾年，但情況一日比一日差。經常網上搜尋搵到徐加明醫生，我打去問基本診金係幾錢，診所姑娘就話950元，其他檢查就要另計，我覺得都可以。之後有一位診所姑娘自稱係徐加明醫生姑娘，問我想預約幾時睇醫生。我就直接同左徐醫生姑娘講，我經濟真係唔係幾好，可唔可以收平小小。其實我問哩句，我會覺得應該冇可能平。但徐醫生姑娘話會幫我問一問徐醫生，我的經濟狀況。隔左幾個鍾後，徐醫生姑娘打比我話徐醫生叫你黎睇左醫生先，之後其他可以到時再講，我就約左睇徐醫生，上到去登記後，徐醫生姑娘就叫我入去見醫生。徐醫生真係好細心，好專業。醫生將儀器放入耳道，就同我講我有一舊好大既耳垢，一陣幫我拎出黎，睇下會唔會好啲。一取左出黎，耳仔即刻好舒服，聽力立即變返好。之後徐醫生重同姑娘講。叫我留意啲咩。
之後到付款果一刻，徐醫生姑娘叫我坐返低，佢自己行過黎。同我一一解釋耳水點用，藥膏點用。到付款時候徐醫生比左一個我可以承擔既價錢。徐醫生姑娘好好人，重好溫柔，徐醫生又好有醫德，好有醫術。有同理心。

簡評:
個人觀感- 醫術精湛、鉅細無遺
經歷過程- 醫護人員親切有禮的提供協助
推介意見- 已視為本人的必然選擇