經歷詳述:
第一次睇完醫生，職員指示我自行打去診斷中心約期做抽針檢查，但系無講之後要點做。搞到我自己逐間診斷中心打去問，不是該中心無相關儀器就是無做相關檢查服務。診所應該比病人更清楚邊間診斷中心有咩檢查項目，不明白為什麼不是診所方面幫病人預約。
預約左診斷中心後，診斷中心叫我同保險公司確認使用條款和保障限額，保險公司又叫我打去診所確認需要做的檢查項目，而且交代診所要交預先審批的表格，就這樣我來回診所診斷中心保險公司3方分別電話確認（診所同保險公司都唔肯打俾對方，反而要病人自己電話查詢確認）打了好幾次電話，心好累。
出左報告後診所打黎叫覆診，我問需要帶我自己份bodycheck報告嗎，打電話的職員要放低電話問隔離職員（唔系睇過病歷知道發生咩事先打俾病人咩？）
上去覆診醫生最終冇俾實際建議，講完一系做手術一系保守治療就完，問一句答一句，問邊個方案好啲會唔會唔理佢就惡化，都系答2個方案各有好處壞處就算。我系見網上有好評先揀呢間診所，我都好迷惘唔知點做，但系醫生無俾啲有用建議或詳細講解解釋之類。
醫生房出reception時有位護士問需要到診紙嗎，答完之後reception另一個護士大大聲問要假紙嗎，難道診所入面的職員互相不會溝通嗎？
診所reception位置好細，reception枱前就系2張梳化，當時除了我還有其他病人，但系職員直接大聲問我系咪用某某公司醫療卡，然後就轉頭同另外的職員大聲討論呢間公司的醫療卡要點樣做，和另一間公司的醫療卡不同（由此可以聽出佢地對於醫療文件處理流程不太熟悉）。旁邊的客人好明顯系聽到晒，因為聽完系有不斷望我。我感覺無晒病人私隱，而且第一次去睇醫生好多人系前枱，職員都系系前枱講晒要做咩檢查，診所全部其他病人都聽到晒……

簡評:
個人觀感- 有欠詳盡、耽誤病情
經歷過程- 醫護之語調態度令人無所適從
推介意見- 本人絕對不會再作光顧