阿就回應:
d姑娘同埋醫生處理得啱，抵讚!
病假紙是醫生的專業決定，不是你或你公司的決定。
照你的情況，應該當曠工處理。
請尊重醫生的決定。

Macy回應:
如果個姑真係咁講野，個醫生多得佢唔少,幫手趕客

阿就回應:
某程度上同意Macy，姑娘應避免使用批評的說話，不過要留意病人曠工在先，（未經批准，自行放假，作曠工論。）而當病假紙是行政措施，有擺醫生上枱之嫌，返工是Chow的責任，假紙是專業判斷，不是Chow自己的決定，我讚成黃醫生的做法。

chow回應:
我當日真係預料唔到d藥性強如此,下床至梳洗期間已感不適,當其時我有致電回公司報告呢個情況,公司已勸告休假,並告知當身體情形可行時要到診所補領醫生紙,我知請一日假已過份,身體都仲好散就出去診所,怎料護士以此態度作回應並與阿就同出一砌,自行判斷結果。
當日護士先說:"你尋日唔問?今日冇得補發。"自行決定不補發醫生紙在先,並拒絕轉告醫生,當時診所沒有其他病人,不在繁忙時間,我想話,咩情況下,都唔係以咁o既態度對待病人嘛?本身我對呢個醫生印象ok,冇料計過會o係佢診所有不禮貌對待,況且如果佢質疑我,都應該去問下醫生先,如果佢係咁有專業水準,佢掛牌啦不如!
btw,你唔係我老細,曠唔曠工都唔係你講!

阿就回應:
Chow，如果你對姑娘的態度不滿，你可以直接向醫生投訴。
現在的核心問題是病假紙。
醫生的決定是最終的，不是由你或你的公司決定。
醫生紙亦無上訴機制。
根據你的說法，你只是對姑娘産生不滿，你無必要以後唔再睇這位醫生噃。
還有無醫生紙而自行不上班，的確是曠工。
你説你的公司已知道你的情況，你可以叫你的公司批准你，唔駛揾醫生過橋。

Macy回應:
Chow 其實你沒有錯，姑娘的責任是把你的request上呈醫生，如果醫生見也不見你，就reject你，佢自己也在倒自己米

阿就回應:
病假紙無得後補㗎。

chow回應:
Thanks Macy,Thanks for your understanding!
至於另一位,我只是跟據公司指示,去問診所可唔可以拎醫生紙,我公司對於我當時o既情況諒解,想有返證明係核數果邊同事o既要求,至於點解,點會咁...我唔知!我唔係自行唔上班囉!我亦唔係搵佢過橋,醫生見都冇見,可能佢都唔知有咁o既事...我就已經比佢地診所侮辱左,大家互不認識,我唔知d人憑咩話我偷懶,我就咁比個護士質疑並用不良態度對待,我覺得好錯愕!選擇唔再去睇,係我相信冇人會想再比人用咁o既態度對多次....醫生同門口d護士係為診所工作,同一般店舖一樣都要對客,醫生理應管理護士o既工作態度,唔係放任佢地亂黎!如果你堅持個護士係o岩,咁係你問題!
希望你唔係老闆!

阿就回應:
Chow，這是醫生與病人之間的專業關係，你和Macy犯上了一個原則上的問題，就是你們當自己是普通商店裏的顧客，付了款，就乜都要俾，包括假紙在內，我想話俾你哋聽，就算無咗個病人，如果醫生的專業決定，是不給你病假紙，醫生要堅持，不受任何壓力，咁樣個社會才會有公義，亦是對社會負責任的做法，Chow，其實你應該高興先啱，睇咗個咁有原則的醫生。
你的情況的確是曠工，應給予警告信。

Macy回應:
醫生應再接見病人，看是否要轉藥或給予休息，不應搵個姑娘趕人走，否則如同趕客，（ 如果醫生只是打份工除外），阿chow 你是沒有錯的,不要太不開心,你好返未呀？

阿就回應:
Chow是曠工在先，不值得同情，給公司核數的應是一封警告信，不是病假紙。

chow回應:
Macy,我好返架喇,Thanks!
有病果個應該唔會再係我,我唔知某人係咪睇過龍,已經講過好幾次以上o既事件問題係咩,件事已過去,我唔會再上黎跟進某人有幾固執,你最好就唔好要拎醫生紙,因為憑你咁講,你應該係唔駛病!因為o係你世界只有你自己先o岩!