經歷詳述:
我本人中咗covid，去睇黃醫生佢就岀covid特效藥比我(診金830蚊)，之後第二日我發現傳染咗比我細佬。我細佬岀發前已經打電話比診所確認係有得拎covid特效藥先去睇黃醫生，但醫生最後係冇比到特效藥但診金同樣地都係收830蚊，有問姑娘點解冇特效藥比我細佬，佢地回覆話因為醫生話我細佬冇需要，但我睇醫生個陣明明只系話我中咗covid，佢問都冇問過病徵就開咗特效藥比我。
而且有一點好奇怪係診所岀比病人食嘅藥係只會寫藥名而冇寫作用，俾藥我個陣又冇特別話啲藥係for咩用途。要病人自己每包藥google search翻先知有咩用。點知我一search發現佢俾咗安眠藥我，另外比咳藥水同時又比止咳嘅藥我。到我細佬去睇個陣特登逐隻藥問翻係咩嚟，發現佢有俾功效一樣嘅藥我細佬，問姑娘點知佢地話醫生開得俾你有原因，最後我同我細佬都系俾咗830蚊睇醫生，但我細佬冇特效藥而我有。

其實佢地好有禮貌嘅，不過岀藥方面就亂咁黎。大家自行決定睇唔睇啦！
簡評:
個人觀感- 診效不顯、收費不稱
經歷過程- 需要自己主動提出較多的諮詢
推介意見- 本人絕對不會再作光顧