經歷詳述:
2015年8月尾發現左邊卵巢有5cm x 4cm朱古力瘤, 當時係睇好朋友介紹的陸國輝醫生, 陸醫生建議做手術, 不過因為佢係年紀比教大的醫生, 佢只識傳統開刀手術, 唔識微創手術, 當時因為手術無迫切性，而且知道此病很麻煩，即使做了手術，也會復發，所以真的十萬分唔想做手術。之後我就決定睇中醫, 日日飲, 連飲4個月之後, 12月尾就再係陸醫生度照，不過發現粒瘤無大無小.就繼續飲.......

直到2016年3月頭去日本旅行時好痛，返到香港就即刻想睇醫生，經另一好朋友介紹, 今次就睇左忻財敏醫生，當時一照，粒瘤已經7cm, 原來飲左7個月中藥都無效，最後就唯有要做微創手術吧。我同忻醫生講盡快安排日子俾我做手術，因為我隨時都可以做得，咁姑娘就check醫生schedule, 好戲劇性地， 我3月17日第一次見忻醫生，跟住第二日，即3月18日就入左醫院，3月19日做手術，3月20日就出埋院了. 成個過程真係好倉猝，但全因我對好朋友及忻醫生的信任，所以我沒有擔心。

手術很成功，只做了1.5小時，除左切左粒瘤, 忻醫生亦幫我清除曬所有內膜異位組織，佢手勢好好，傷口好細, 左右每邊只有大約一粒米般大, 肚臍個個結左蕉之後已回復原貌

我真的非常感恩遇到忻醫生，因為佢真係好專業，好細心，好有耐性，人好好, 無架子, 而且手術前後，我有什麼問題whatsapp佢，每次都會耐心回覆，真係想像唔到咁忙既醫生都會親自回覆病!! 非常難得!! 另外, 手術當日, 同我同房的其中3位病人, 都係忻醫生的病人, 剛巧都係安排同一日做手術.


P.S. 忻醫生係我一位好朋友介紹的，他曾經醫好佢auntie的婦科病，之後十幾年都係keep睇忻醫生，話佢好專業，就係我發現有朱古力瘤的兩星期後，我位好朋友咁岩發現右邊卵巢都有粒5cm 朱古力瘤, 所以佢auntie就介紹忻醫生俾佢，然後佢睇完之後，都覺得忻醫生好好，所以再介紹俾我...

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介